6-12 MAYOBAYEDA
SALMOS 36, 37
Trãbi 87 akʉza yiwidʼita | Yi nãã bedʼeabʉta (1 min.)
1. Ẽbẽra kayirua kʼarea kĩrʉrãra
(10 min.)
Ẽbẽra kayiruarabara dayirãra zʉbʉriabibʉ akʉza sopʉabibʉ (Sl 36:1-4; w17.04 10 parr. 4).
Ẽbẽrarã kayiruaba obʉ kʼarea mejãcha kĩrʉira yibia ẽ (Sl 37:1, 7, 8; w22.06 10 parr. 10).
Jeowaba nebia diaya abʉ ʉ̃rʉ ĩjãiba aduʼa babibʉ (Sl 37:10, 11; w03 1/12 13 parr. 20).
BɄYIKɄZA WIDIRA: «¿Mʉ̃ara ẽbẽrarã kayiruaraba obʉ ʉ̃rʉ aukʼara krĩchabʉka?».
2. Jʉrʉda nekʼãrẽ biʼiabʉta Daizezedebemata
(10 min.)
Sl 36:6. Salmistaba jaraside Daizezera katuma zroma kĩrãkʼabʉta, ¿naʉ̃bara kʼãrẽta jarakĩrãbasi? (it-2 424 parr. 3).
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?
3. Leita
(4 min.) bhs yi 1 parr. 22-24 bayeda (th yi 10).
4. Bedʼea jʉ̃drʉra
(3 min.) DEZA DEZA. (lmd yi 1 punto 5).
5. Jẽda akʉ wãra
(4 min.) BɄYI WÃMAE JARADIARA. Nãã Jeowa ʉ̃rʉ Kʼawuabipanʉrãbawara Daizeze Bedʼea ʉ̃rʉ kʼawuakĩrã ẽã ada, jẽda widida kʼawuakĩrãbʉ kʼawuaita (lmd yi 9 punto 4).
6. Diskurso
(5 min.) ijwbv-S 45. Trʉ̃ta: ¿Kʼãrẽta jarakĩrãbʉ Salmo 37:4bara? (th yi 13).
Trãbi 38
7. ¿«Zʉbʉria zebʉrʉde» kʼawuabʉka kʼãrẽta oita?
(15 min.) Yi wuabemarabawaraʉba akʉra.
Naʉ̃ drʉa jõmaʉ̃mae ʉ̃kʉrʉ mebẽrãba aduapanʉ ãya nekʼãrẽ bia erbʉta naʉ̃ drʉade neida berabaribʉ kʼarea (Sl 9:9, 10). Mamina wãrĩnubaira jõmaʉ̃ta zʉbʉriade berabariseabʉ badu ewaride. Maʉ̃ba jipade yibia kʼawua bʼaita kʼãrẽta oita maʉ̃ berabaribʉrʉde.
Neida berabaribʉrʉde kʼãrẽta oita kʼawuabʉ awuara,a ¿kʼãrẽta oibara?
Bʉ krĩchata zarea erbara. Maʉ̃itara bia kʼawua baibara naʉ̃ drʉadera neida berabariseabʉta. Naena krĩchara kʼãrẽta oseabʉta mawũã berabaribʉrʉde. Zarea ora mejãcha krĩcha ẽ baita bʉa kʼãrẽ nebia erbʉ ʉ̃rʉ, maʉ̃ba kʼarebayi krĩcha oẽ baita bʉa kʼãrẽ nebia erbʉ idubʉi kʼarea, awuarabʉrʉ krĩchayi bʉ bebʉta akʉza wuabemaraneta (Gé 19:16; Sl 36:9). Adewara neida berabarida tẽã aukʼara krĩcha zroma oẽ bayi bʉa nebia aduada kʼarea (Sl 37:19).
Jeowa neũdukʼawua bia bara. Soiduba ĩjãbara Jeowabara bʉra bia akʉkĩrãbʉta akʉza wãrĩnu oita maʉ̃ra (Sl 37:18). Kʼãwũãena zarea ora bʉyikʉza kĩrãbeita bʉa kʼãrẽ jõma aduabʉrʉdera Jeowaba kʼarebaita iyi ode panʉrãra akʉza jaradiaita kʼãrẽ oibarata (Jer 45:5; Sl 37:23, 24).
Dayirãba Jeowaba nebia weya abʉ ʉ̃rʉ krĩchapanʉbʉrʉ, naʉ̃ba kʼarebayi zʉbʉria berabaribʉrʉde zareapanaita (Sl 37:39).
BIDEOTA ũdubira ¿Bʉara kʼãrẽta oi nekʼãrẽ mitia berabaribʉta zera? Maʉ̃ tẽã widira:
¿Sãwũã kʼarebabʉ Jeowaba neida berabaribʉrʉde?
¿Kʼãrẽta odaibara neida berabari nãã?
¿Sãwũã kʼarebaseabʉ naʉ̃ drʉade neida berabaribʉ kʼarea zʉbʉriabʉrara?
8. Ãba yi jʉrebarimae Daizeze Bedʼeadebema libro akʉita
(30 min.) bt-S yi 9 parr. 8-16 bayeda.
Jõita (3 min.) |
a Akʉra karta ¡Despertad! 2017debemata numero 5 pagina 4-6 bayeda.