20-26 MAYOBAYEDA
SALMOS 40, 41
Trãbi 100 akʉza yiwidʼita | Yi nãã bedʼeabʉta (1 min.)
1. ¿Kʼãrẽa yibia wuabemara kʼarebaira?
(10 min.)
Wuabemara kʼarebaiba dayita sobiabibʉ (Sl 41:1; w18.08 22 parr. 16-18).
Dayirãba wuabemarata kʼarebara Jeowaba dayirãsida kʼarebayi (Sl 41:2-4; w15 15/12 24 parr. 7).
Dayirãba wuabemara kʼarebabʉrʉdera Jeowata sobiabipanʉ (Sl 41:13; Pr 14:31; w17.09 12 parr. 17).
BɄYIKɄZA WIDIRA: «¿Mʉ̃ kongregasione bʉka mebẽã mʉ̃ kʼareba nesidabʉta aplikasion JW Library bia zokʼaita?».
2. Jʉrʉda nekʼãrẽ biʼiabʉta Daizezedebemata
(10 min.)
Sl 40:5-10. Naʉ̃ testoba jarabʉdera, ¿dayirãba ĩjãbʉrʉde Jeowabʉrʉ bia zokʼaseabʉta kʼãrẽta okĩrãi iyi kʼarea? (it-2 46 parr. 7).
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?
3. Leita
(4 min.) bhs yi 2 parr. 7-11 (th yi 12).
4. Bedʼea jʉ̃drʉra
(3 min.) BɄYI WÃMAE JARADIARA. Bedʼea jʉ̃drʉra ẽbẽra aba sobiabʉme (lmd yi 2 punto 3).
5. Bedʼea jʉ̃drʉra
(4 min.) BɄYI WÃMAE JARADIARA. Bedʼea jʉ̃drʉra ẽbẽra aba sopʉabʉme (lmd yi 3 punto 5).
6. Jesu kʼaidu babira
(5 min.) lff yi 14 punto 6. Nekʼawuabari abaʉita zare ãba yi jʉrebarimae juwa wuaita, maʉ̃meba wiña kʼawuara naʉ̃ artikulo ʉ̃rʉ: «Ãba yi jʉrebarimae Jeowa biga diadaibara», maʉ̃ra ũduseabʉ «Jʉrʉda audre kʼawuaita» abʉmae (th yi 19).
Trãbi 138
7. Nebia odadrʉ dayirã mebẽrã zõrãpanʉ kʼarea
(15 min.) Yi wuabemarabawaraʉba akʉra.
Mebẽrã kongregasionebemara zõrãpanʉrãra Jeowabara bia akʉbʉ kʼẽrẽpapanʉ baera akʉza kongregasione trajo biata opanʉ baera, dayirãbida abarika akʉpanʉ ãyira (Heb 6:10). Poaga bioba ãya mebẽrã kʼarebapanʉta jaradiabʉde akʉza so zarea diabʉde, bʉsida kʼarebasi baibara ãyara. Maʉ̃ kʼarea naʉ̃ta widiseapanʉ, ¿sãwũã ũdubiseabʉ naʉ̃ra mebẽrãʼa biga diabʉta ãya mʉ̃ kʼarea akʉza mebẽrã kongregasionebemara kʼarea obʉra?
BIDEOTA ũdubira Nebia odadrʉ dayirã mebẽrã kʼarea. Maʉ̃ tẽã widira:
¿Kʼãrẽta kʼawuasi Ji-Hoonba mebẽã Ho-jin Kangneba?
¿Bʉara kʼãrẽa bia akʉbʉ mebẽrã zõrãpanʉra bʉ kongregasionebemara?
¿Kʼãrẽta kʼawuaseapanʉ samaritano nebʉradeba?
¿Kʼãrẽa yibia basi Ji-Hoonba wuabema mebẽrã jaraira mebẽã Ho-jin Kang kʼarebaita?
Dayirãba krĩchabʉdade mebẽrãba kʼãrẽne kʼarebaita nesidapanʉta ũdudayi ne mejãchaʉde kʼarebaseapanʉta ãyira. Mebẽrãba kʼareba nesidabʉta ũdubʉrʉde bʉyikʉza widira, ¿kʼãrẽta oseabʉ mʉ̃a iyi kʼarebaita? (Snt 2:15, 16).
Akʉra Gálatas 6:10. Maʉ̃ tẽã widira:
¿Bʉara kʼãrẽta oseabʉ mebẽrã bʉ kongregasione zõrãpanʉ kʼarebaita?