28 ABRILDEBA–4 MAYO EDA
PROVERBIOS 11
Trãbi 90 akʉza yiwidʼita | Yi nãã bedʼeabʉta (1 min.)
1. Kʼãrẽ jararãra
(10 min.)
Jararãra bedʼea awurura sopʉabibʉta (Pr 11:9; w02-S 15/5 26 parr. 4).
Jararãra bedʼea yãrã aña krĩchabibʉta akʉza aduʼabʉ jõbibʉta (Pr 11:11; w02-S 15/5 27 parr. 2, 3).
Yãrãʼa jararãra wuabemaraba kʼawua ẽ baibarata (Pr 11:12, 13; w02-S 15/5 27 parr. 5).
BɄYIKɄZA KRĨCHARA: Lucas 6:45de Jesúsba jaradata odara, ¿naʉ̃ba sãwũã kʼarebai bedʼea yãrã sopʉabibʉta jara ẽ baita?
2. Jʉrʉda nekʼãrẽ biʼiabʉta Daizezedebemata
(10 min.)
Pr 11:17. ¿Kʼãrẽa yibia ẽbẽra bia bʼaira? (g20.1-S 11, rekuadro).
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?
3. Leita
(4 min.) bhs yi 14 parr. 7-11 bayeda (th yi 5).
4. Bedʼea jʉ̃drʉra
(4 min.) BɄYI WÃMAE JARADIARA. Ãba yi jʉrebaride bʉa kʼawuadata jara ũrĩbira (lmd yi 2 punto 4).
5. Jẽda akʉ wãra
(4 min.) BɄYI WÃMAE JARADIARA. Ũdubira bideo aba nekʼãrẽ jaradiabaridebemata akʉza maʉ̃ ʉ̃rʉ bedʼeaidua, ũdubi kĩrãkʼa ora (lmd yi 8 punto 3).
6. Jesu kʼaidu babira
(4 min.) ODE JARADIA WÃITA. Daizeze Bedʼea kʼawua kĩrãbʉ kʼawuaita widira akʉza jaradiara sãwũã ochʉta (lmd yi 10 punto 3).
Trãbi 157
7. Bʉ kĩrãmeba aduʼa panʉta aduabirara
(15 min.) Yi wuabemarabawaraʉba akʉra.
Dayirãra nemitia omia baera edaude aña bedʼeaseabʉ (Snt 3:8). Dayirãba krĩchapanʉbʉrʉ aña bedʼeabʉ kʼarea kʼãrẽ bedʼea zroma weita naʉ̃ba kʼarebayi tẽãne biʼia krĩcha kʼãrãpe bedʼeaita. Ũkʉrʉ bedʼea edrebʉba ũdubibʉ kongregasione aduʼabʉta kʼãrẽba adua biseabʉta:
Aukara bedʼea ẽ baibara daya nekʼãrẽ erbʉ ʉ̃rʉ. Dayi ʉ̃rʉ aukʼara bedʼeanʉmʉbʉrʉ yõbiseabʉ wuabemarata akʉza ãya nekʼãrẽ erbʉ ẽãta erbabikĩrãseabʉ (Pr 27:2).
Wãrĩnu ẽãta jaraita. Naʉ̃bara jarakĩrãbʉ bari sewa nebʉrʉ jara ẽ baita. Adewara jarakĩrãbʉ sewa nebʉrʉta wãrĩnu kĩrãkʼa jaraita wuabemaraba maʉ̃ ʉ̃rʉ ĩjãnamarẽã. Mawũã bedʼeadara wuabemaba dayi ʉ̃rʉ ĩjãna ẽ bayi akʉza dayi ʉ̃rʉ mitia krĩchadayi (Ec 10:1).
Awuruba nebʉradata aripe jara ẽ. Awuru ẽbẽraba jaradata wuabema jarabʉ mamina jõma aripe jara ẽ adewara yãrã jara ẽ marẽã jaradata jarakabʉ (1Ti 5:13). Maʉ̃ba yõbiseabʉ akʉza aduʼa panʉta aduaseabʉ.
Imitia bedʼeaita yãrã ʉ̃rʉ. Naʉ̃ba jarakĩrãbʉ wuabemaraba dayi kĩrʉbibʉrʉde imitia bedʼeadogota iyi ʉ̃rʉ (Ef 4:26). Mawũã bedʼeadogodera mejãcha sopʉabibare wuabemata (Pr 29:22).
BIDEOTA ũdubira «Wuabemarabawara aduʼa bʼabibʉ ẽãta orãra» (wiña ũdubibʉ). Maʉ̃ tẽã widira:
Kongregasione aduʼabʉra mesera aduaseabʉ baera, ¿kʼãrẽta kʼawuaseabʉ naʉ̃ bideodeba dayi sãwũã bedʼea bai ʉ̃rʉ?
Maʉ̃ bideode mebẽrã sãwũã jẽda aduʼa besi ʉ̃rʉ kʼawuaita akʉra bideo «Jʉrʉda aduʼa bʼaita akʉza maʉ̃ta pẽwã wãra».
8. Ãba yi jʉrebarimae Daizeze Bedʼeadebema libro akʉita
(30 min.) bt yi 25 parr. 14-21 bayeda.