9-15 JUNIOBAYEDA
PROVERBIOS 17
Trãbi 157 akʉza yiwidʼita | Yi nãã bedʼeabʉta (1 min.)
Israelitara juwa jidapanʉrata aduʼa nekopanʉ
1. Sãwũã aduʼa baseabʉ juwa jidapanʉne
(10 min.)
Dayi kimaʉ̃me aduʼa bʼaira zareabaseabʉ mamina zarea ora bia wañi (Pr 17:1; akʉra yi nããrabemata).
Nekʼarẽ zake kʼarea mejãcha kaikearaidua (Pr 17:9; g-S 9/14 11 parr. 2).
Kĩrʉbia yi edebirãra (Pr 17:14; w08-S 1/5 11 parr. 1, 2).
2. Jʉrʉda nekʼãrẽ biʼiabʉta Daizezedebemata
(10 min.)
Pr 17:24. ¿Kʼãrẽta jarakĩrãbʉ naʉ̃ bedʼeaba: yi ẽbẽra bia krĩcha ẽãbʉ dabʉra naʉ̃ drʉde badua wã? (it-2 545 parr. 4).
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?
3. Leita
(4 min.) bhs yi 16 parr. 7-13 bayeda (th yi 10).
4. Bedʼea jʉ̃drʉra
(3 min.) BɄYI WÃMAE JARADIARA. (lmd yi 3 punto 5).
5. Bedʼea jʉ̃drʉra
(4 min.) ODE JARADIA WÃITA. Daizeze Bedʼea kʼawuabira (lmd yi 6 punto 4).
6. Diskurso
(5 min.) ijwbv-S artikulo 60. Trʉ̃ta: ¿Kʼãrẽta jarakĩrãbʉ Proverbios 17:17ba? (th yi 13).
Trãbi 113
7. Bʉ mebẽrãʉ̃me bedʼeabʉta idubʉrãra
(15 min.) Yi wuabemarabawaraʉba akʉra.
Bʉ mebẽrãʉ̃me sobia bʼaira jõmaʉ̃ta aduʼa bedʼea panaibara dedara. Mawũã odara ãba trajapanʉ baera zare ẽ bayi maraba oita krĩchabʉ jõma oita akʉza bedʼea zroma ũdubʉrʉde mayirai yiya kʼarebadayi (Pr 15:22). ¿Kʼãrẽta oseabʉ bʉ mebẽrãʉ̃me audre aduʼa bedʼeapanaita?
Audre ãba panaidua (Dt 6:6, 7). Dayi mebẽrãbawara ãba trajabʉdera akʉza Jeowadeta ãbaʉba obʉdera adewara ãba jemebʉdera audre yiya kãgapanʉ akʉza dayirãi audre ĩjãpanʉ akʉza maʉ̃ awuara dayirãi aduʼa bedʼeapanañi. Edaʉde oibara daya kãga ẽãta ãyi bawara bʼaita mamina mawũã odara tẽãne nebiata ũduyi (Flp 2:3, 4). ¿Dayira mebẽrãbawara ãbabʉdera sãwũã bia zokʼaseabʉ dayirã ewarira? (Ef 5:15, 16).
BIDEOTA ũdubira Dayirã mebẽrãbawara aduʼa bʼaita jʉrʉdadrʉ-Audre yiya bedʼea kʼawuadadrʉ. Maʉ̃ tẽã widira:
¿Sãwũã internetʼba akʉza selularba dayirã mebẽrãbawara bedʼeabʉta idubʉbiseabʉ?
¿Kʼãrẽta jaradiabʉ naʉ̃ bideobara dayirã mebẽrãbawara bedʼea bʼai ʉ̃rʉ?
Ũrĩ kʼawua bara (Snt 1:19). Wũãwũãraba ũdubʉrʉde yibariraba ãyi bedʼea ũrĩ ẽ baita mawũã ẽ bʉrʉ ãyi kʼẽãita, perabiba jara ẽ ãyi sãwũã sentibʉta. Maʉ̃ kʼarea bʉ wũãwũãba bʉa bedʼeata jarara ũrĩra iyi bedʼeara akʉza kĩrʉrãra iyiʉ̃me (Pr 17:27). Awuarabʉrʉ zarea ora kʼawuaita iyi sãwũã sentibʉta akʉza sãwũã krĩchabʉta adewara ũrĩda iyi bedʼeara. Bʉa krĩchara iyi sãwũã berabarinʉmʉta bʉsida iyi kĩrãkʼa sentiyi, maʉ̃ba iya audre kãga ũdubiyi akʉza ibiade kʼarebayi.
8. Ãba yi jʉrebarimae Daizeze Bedʼeadebema libro akʉita
(30 min.) bt yi 27 parr. 9-22 bayeda akʉza rekuadro pagina 212debemata.