28 JULIODEBA-3 AGOSTO EDA

BEDʼEA BIA DAIZEZE BEDʼEADE ŨDUDATA

1. Zarea bara bedʼea zroma zei nãã

(10 min.)

Audre kʼawua wãra Daizeze Bedʼea ʉ̃rʉ audre buru bia bʼaita (Pr 24:5; it-2-S 648 parr. 8).

Krĩcha zroma obʉ kʼarea kʼãrẽ omabʉde idubʉrãra Daizezede obʉta (Pr 24:10; w09-S 15/12 18 parr. 12, 13).

Audre Jeowa kʼawuabʉba kʼarebayi iyi o idubʉ ẽ baita bedʼea zromane berabarinʉmʉ bʉsida (Pr 24:16; w20.12-S 15).

Mebẽrã wẽrã mejãcha kayabʉba sobiade jaradiabʉ Daizeze Bedʼeata iyi neũdukʼawuaʉ̃meba ẽbẽra wẽrã puerta ya abʉa iyi tabletadeba jaradianʉmʉ.

2. Jʉrʉda nekʼãrẽ biʼiabʉta Daizezedebemata

(10 min.)

Pr 24:27. ¿Naʉ̃ testorabara kʼãrẽta jaradiabʉ? (w09-S 15/10 12 parr. 5-7).

Bʉa panʉita
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?

Bʉa panʉita

3. Leita

(4 min.) bhs yi 18 parr. 13-18 bayeda (th yi 11).

ORA BɄA DAIZEZE BEDʼEA JARADIABɄRɄDE

4. Bedʼea jʉ̃drʉra

(2 min.) BɄYI WÃMAE JARADIARA. Bʉa Daizeze bedʼea waidide jaradia jʉ̃drʉ ẽ nãã yi ẽbẽrarã aña wãbʉ (lmd yi 2 punto 4).

5. Bedʼea jʉ̃drʉra

(3 min.) DEZA DEZA. (lmd yi 3 punto 4).

6. Bedʼea jʉ̃drʉra

(3 min.) ODE JARADIA WÃITA. Ẽbẽra jara ũrĩbira dayirãba Daizeze Bedʼea kʼawuabibʉ ʉ̃rʉ, maʉ̃are diara tarjeta zake Daizeze Bedʼea kʼawuabibaridebemata (lmd yi 4 punto 3).

7. Diskurso

(3 min.) lmd apendise 1 punto 11. Trʉta: Daizezebara bedʼea biata diasi (th yi 6).

BʼAITA KRISTIANORA KĨRÃKʼA

8. Zʉbʉria berabarinʉmʉne dayirãi yi kʼarebadadrʉ

(15 min.) Yi wuabemarabawaraʉba akʉra.

Pandemia zebʉrʉde, drʉade neida berabaribʉrʉde, yõtabʉde akʉza pẽwãbʉdade, mebẽrã maʉ̃ne berabaribʉrʉra ãyirai yi kʼarebapanʉ akʉza so zarea diapanʉ. Adewara mebẽrã mawũã neida berabari ẽãra krĩcha opanʉ ãyi kʼarea mamina daucha nekʼãrẽ jõma obʉ ãyi kʼarebaita (1Co 12:25, 26).

Potoraba ũdubibʉta: Mebẽrãba wuabema mebẽrãta kʼarebapanʉ nekʼãrẽ biode. 1. Mebẽrãba jẽda parãpanʉ salon drʉade neida berabaridaba ãrĩnata. 2. Mebẽrãba mebẽã wẽrãta yi kaʉme drʉa jãpedeba zedata bia edapanʉ. 3. Mebẽã wẽrã abaʉba ãba yi jʉrebarimae donasionta diabʉ kaja zakede. 4. Mebẽrãba awuru mebẽrã ãba yi jʉrebarimae panʉra diapanʉ nekʼãrẽ ãya nesidapanʉta. 5. Mebẽrãba bania boteyadebʉta dedekapanʉ. 6. Mebẽã aba yiwidʼibʉ.

Akʉra 1 Reyes 13:6 akʉza Santiago 5:16b. Maʉ̃ tẽã widira:

¿Kʼãrẽa yibia Daizeze odebʉta wuabemara bari yiwidʼita?

Bʉa panʉita

Akʉra Marcos 12:42-44 bayeda akʉza 2 Corintios 8:1-4 bayeda. Maʉ̃ tẽã widira:

Plata mejãcha neẽmina akʉza wiña donasion diabʉmina mebẽrã kʼarebaita, ¿kʼãrẽa biga mawũã obʉ idubʉ ẽ baita?

Bʉa panʉita

BIDEOTA ũdubira Zarea diapanʉ mebẽrãta pẽwãpanʉne. Maʉ̃ tẽã widira:

¿Kʼãrẽta osida mebẽrãbara wuabema mebẽrã kʼarebaita Daizeze Bedʼea idu jaradiabida ẽ mae?

Bʉa panʉita
¿Kʼãrẽta osida mebẽrãbara ãba yi jʉreita akʉza ãyirai so zarea diaita Daizeze Bedʼea idu jaradiabida ẽ basimina? (Heb 10:24, 25).

Bʉa panʉita

9. Ãba yi jʉrebarimae Daizeze Bedʼeadebema libro akʉita

(30 min.) lfb kapitulo 4, 5.