15-21 SEPTIEMBREBAYEDA
PROVERBIOS 31
Trãbi 135 akʉza yiwidʼita | Yi nãã bedʼeabʉta (1 min.)
1. Papa abaʉba yi wũãwũã ũrãgʼa diadadeba kʼãrẽta kʼawuaseapanʉ
(10 min.)
Jaradiara mara wũãwũãra kʼãrẽta krĩchabʉta Jeowaba mia erkʼãĩ ʉ̃rʉ akʉza juwa jidai ʉ̃rʉ (Pr 31:3, 10; w11-S 1/2 19 parr. 7, 8).
Jaradiara mara wũãwũãra kʼãrẽta krĩchabʉta Jeowaba itua doi ʉ̃rʉ (Pr 31:4-6; ijwhf-S artikulo 4 parr. 11-13).
Jaradiara mara wũãwũãra Jeowaba sãwũã kʼarebabʉta wuabemata (Pr 31:8, 9; g17.6-S 9 parr. 5).
2. Jʉrʉda nekʼãrẽ biʼiabʉta Daizezedebemata
(10 min.)
Pr 31:26. ¿Sãwũã kʼarebaseabʉ Proverbios 31:26ba wuabemabawara bia bedʼea bʼaita? (w23.12 21 parr. 12).
¿Kʼãrẽ biʼiabʉta ũdusida marabara Daizeze Bedʼea akʉda ʉ̃rʉ, naʉ̃ semananebemata?
3. Leita
(4 min.) yc yi 2 parr. 1-5 bayeda (th yi 10).
4. Bedʼea jʉ̃drʉra
(3 min.) BɄYI WÃMAE JARADIARA. Ẽbẽraba ibia panʉna tẽã bedʼea jʉ̃drʉra (lmd yi 5 punto 3).
5. Bedʼea jʉ̃drʉra
(4 min.) DEZA DEZA. Zokʼara karta Kãgara ẽbẽrarã yi apendise 1 «Wãrĩnuarata jaradiakĩrãpanʉ dayirãbara» abʉmaebemata (lmd yi 1 punto 4).
6. Jẽda akʉ wãra
(5 min.) DEZA DEZA. Trʉ̃ra ẽbẽra aba La Atalaya numero 1 2025debema jidadata, ũrĩ zemarẽã diskurso espesialta (lmd yi 7 punto 4).
Trãbi 122
7. Kʼarebara mara wũãwũãraba selularta, tableta, telebisorta bia zokʼa kʼawuadamarẽã
(8 min.) Yi wuabemarabawaraʉba akʉra.
Mara jõmaʉ̃ba ũdubari wũãwũãraba selularta, tableta akʉza telebisorta zokʼanʉmʉra, ãyitara zare ẽ naʉ̃ra zokʼaira maʉ̃ba kʼareba nesida ẽ mamina naʉ̃ra bia zokʼa kʼawuaira dayirã kʼarebata nesidapanʉ. Bʉta wũãwũã barabʉbʉrʉ, ¿sãwũã kʼarebaseabʉ bʉ wũãwũãraba selular bia zokʼaita?
BIDEOTA ũdubira Bʉ ewarira bia zokʼa kʼawuara. Maʉ̃ tẽã widira:
¿Kʼãrẽa yibia dayirãba krĩchaita selular kʼãrẽ ũmadaʉbayeda zokʼaita?
¿Adewara kʼãrẽita nesidabʉ bʉa ewarira?
Bʉ mebẽrã nekʼãrẽ omarẽã jarabʉrʉde jararãra bʉa krĩchabʉta odamarẽã akʉza wuabema yibariraba obʉ kĩrãkʼa orãra awuarabʉrʉ Daizeze Bedʼeaba jarabʉde ora (Gál 6:5). Naʉ̃ta bʉyikʉza widira:
¿Mʉ̃ wũãwũãba ũdubibʉka krĩcha bia jida kʼawuabʉta? ¿Mʉ̃a akʉbʉka iya bia zokʼa kʼawuabʉta selularʼra, tablera akʉza telebisorʼra? (1Co 9:25).
¿Mʉ̃a iduaribiseabʉka mʉ̃ wũãwũãba iyidobaʉba selularta, tableta akʉza telebisorta akʉmarẽã? (Pr 18:1).
¿Mʉ̃ara kʼãrẽ aplikasionta akʉza kʼãrẽ pagina internetʼnebemata zokʼabiseabʉ? (Ef 5:3-5; Flp 4:8, 9).
¿Mʉ̃a kãgabʉbʉrʉ mʉ̃ wũãwũãraba nekʼãrẽ awuruta omarẽã kʼãrẽ ũmadaʉbayeda zokʼabiseabʉ selularta, tableta akʉza telebisorta? (Ec 3:1).
8. Kongregasionba nesidabʉta
(7 min.)
9. Ãba yi jʉrebarimae Daizeze Bedʼeadebema libro akʉita
(30 min.) lfb kapitulo 18, 19.