¿Kʼãrẽta estudiaita bʉ mebẽrãbawara ãbabʉde?

Dayirãbara Jeowa ʉ̃rʉ kʼawuabʉ ẽ asambleadebʉrʉ akʉza ãba yi jʉrebarimaebʉrʉ, awuarabʉrʉ dayirã dobabʉdebida akʉza dayirã mebẽrãbawarabʉdebida kʼawuapanʉ:

• Ãba yi jʉrebarima wãi nãã estudiara. Bʉra bʉ mebẽrãbawara trãseabʉ akʉza bʉ mebẽrãta kʼarebaseabʉ komentario diaita.

• Nebʉra Daizeze Bedʼeadebʉta lera, maʉ̃ tẽã dibujara bʉa ledata akʉza bʉra maʉ̃neba bʉa kʼãrẽ kʼawuadata.

• Daizeze Bedʼeade akʉra ẽbẽrarã yiwidʼipananaba kʼãrẽta jarasidata bʉabida abarika oita.

• Bideo aba akʉra akʉza wuabemaraʉ̃me bedʼeara maʉ̃ ʉ̃rʉ, mawũã ẽ bʉrʉ bʉra bʉa kʼãrẽ kʼawuadata.

• Bʉ mebẽrãbawara estudianʉmʉne kʼawuara kʼãrẽ bedʼeata jaraita Daizeze Bedʼea jaradiabʉrʉde.

• Akʉra Jeowaba parãnata akʉza krĩchara naʉ̃ba kʼãrẽta jaradiabʉta Jeowa ʉ̃rʉ.a