¿Bʉara ĩjãbʉka?

Dayirãba Jeowa sobiabira iyi ʉ̃rʉ ĩjãbaibara mamina Daizeze Bedʼeaba jarabʉ jõmaʉ̃ba ĩjãbʉ ẽãta (2 Tes. 3:2). Apostol Pabloba naʉ̃ bedʼeata jarasidera jarakĩrãbasi ẽbẽra kayiruaraba iyi pẽwãpanʉ ʉ̃rʉ. Mamina akʉza iya jaradabara jarakĩrãbasi ʉ̃kʉrʉ ẽbẽrarã ʉ̃rʉbida. Bari jaraita, bʉ ẽbẽrarã ĩjã ẽãta nekʼãrẽ naʉ̃ drʉade jõma bʉra Daizezeba parãnata (Rom. 1:20). Ʉ̃kʉrʉbara jarapanʉ Daizeze ĩjãbʉta mamina Jeowabara bari ĩjãmarẽã kãgabʉ ẽ.

Daizezeba dayirãta bia akʉmarẽãra ĩjãnaibara iyira wãrĩnʉ bʉta akʉza iyi ʉ̃rʉ wãrĩnʉ ĩjãbʉra kʼarebabʉta (Heb. 11:6). Dayirãba Daizeze ʉ̃rʉ ĩjã ũdʉbibʉra neta jauredebema. Maʉ̃ kʼãrẽa dayirãba erbakĩrãpanʉbʉrʉ iyi jaure zareata Jeowaʼa widipanaibara (Luc. 11:​9, 10, 13). Adewara Daizeze Bedʼeata akʉpanaibara akʉza maʉ̃ ʉ̃rʉ bia krĩchaibara akʉza oũdʉbidaibara maʉ̃ra Jeowaba iyi jaure zareaba osi baera. Mawũã odara Jeowa jaure zareaba kʼarebayi dayirãba aʉdre ĩjãnamarẽã iya kãgabʉde.