¿SÃWŨÃ ESTUDIAITA?

¿Kʼãrẽta oseabʉ bia estudiaita?

Bʉyi dobaʉba Daizeze Bedʼea ʉ̃rʉ audre kʼawuakĩrãbʉbʉrʉ, nama kʼawuayi kʼãrẽta oseabʉta:

•Jʉrʉda sama bia estudiaita. Bʉ deda jʉrʉda sama bia estudiaita akʉza sama bia ʉ̃nabʉta, bʉya kãgabʉrʉ estudiaseabʉ mesade maʉ̃ta neẽbʉrʉ wãseabʉ ewara eda buya neẽ mae.

•Jʉrʉda sama abapai bʼaita. Jesúsʼra wãsi diapeda Daizezea yiwidʼita miõ neẽ mae (Mar. 1:35). Bʉabida Jesúsde kĩrãkʼa oseabʉ. Bʉ deda bionʉmʉbʉrʉ bʉ mebẽrã jaraseabʉ buya oda ẽ marẽã mawũã bia estudiaita.

•Jʉrʉda sãwũã jʉ̃zaba krĩchaita bʉa estudiabʉta. Bʉa zokʼabʉbʉrʉ selularta mawũã ẽ bʉrʉ tableta estudiaita, maʉ̃ra chuwẽã ora mawũã ẽ bʉrʉ modo abionʼne bʉera mawũã bia ũrĩta bʉa estudiabʉta. Kõbe bʉa estudianʉmʉne kĩrãbedogobʉrʉ nekʼãrẽ oibarata maʉ̃ra bʉra kartade tẽã oita. Akʉza bʉita zareabʉbʉrʉ bʉa estudianʉmʉta bia ũrĩta piradrʉra akʉza wiña ejersisio ora.