Kʼawuaya awa bara

Dayirãba Daizeze Bedʼeade Jeowa ʉ̃rʉ kʼawuapanʉnera kãgapanʉ mama kʼawua wãra dayi soidu akʉza krĩchaidu zemarẽã akʉza dayirãba kãgabʉta mama jarabʉde okĩrãpanʉ, maʉ̃ kʼarea biga bayi dayirãba Esdrasde kĩrãkʼa odaita, iyara «jidasibasi iyi sode Jeowaba Ley diadata akʉita» (Esd. 7:10). ¿Dayirãbara sãwũã kʼawuaya awa baseapanʉ?

Yiwidʼibara. Daizeze Bedʼea estudia jʉ̃drʉi nãã Jeowaʼa yiwidʼida kʼarebamarẽã audre ẽza ũrĩta akʉza mama jarabʉta oũdubita (Sal. 119:​18, 34).

Eda krĩchabʉta ũdubira. Daizezebara yi ʉ̃ta krĩchabʉara wãrĩnura kʼawuabi ẽ ãya krĩchapanʉ baera nesida ẽãta Daizezera (Luc. 10:21). Nekʼãrẽ mejãcha kʼawuarãra bari awuruba ũdudamarẽã bʉa kʼawuabʉta. Adewara bʉa nekʼãrẽta ara oitabʉbʉrʉ ũdubira eda krĩchabʉta maʉ̃ ara oita.

Dayirã trãbita ũrĩda. Trãbira dayirã soidu jʉ̃ẽbʉ, naʉ̃ba kʼarebabʉ Jeowa ʉ̃rʉ kʼawuaya awa bʼaita. Dayirãba Daizeze Bedʼea estudiai nãã ũrĩpanʉbʉrʉ trãbita kʼarebayi Jeowa ʉ̃rʉ kʼawuaita adewara dayirãba kʼawua wãta krĩchadayi sãwũã oũdubidaita.