Kʼãrẽ ĩjãbʉta / ¿Jesu ʉ̃rʉ ĩjãpanʉka?

Ĩjãpanʉ. Jesuba jarasi: «Mʉ̃ yi ora, yi wãrĩnura akʉza yi bebʉra. Mia abaʉta Zezeidʉ jʉ̃ẽbe ẽ mʉ̃neba oda ẽ bʉrʉ» (Juan 14:6). Wãrĩnu ĩjãpanʉ Jesura ʉ̃tʉba naʉ̃ egoro eda zesita akʉza iyira wãrĩnu beisita dayirãbari (Mateo 20:28). Iyi beidaba akʉza jẽda piradrʉdaba kʼarebabʉ ẽbẽrarãra ãya ĩjãbʉdeba ewari jõmaʉ̃nẽ bʼaita (Juan 3:16). Wãrĩnu ĩjãpanʉ Jesuba Daizeze Nokʼora zokʼanʉmʉta, naʉ̃ Nokʼobara aranʉ bʼai weyi naʉ̃ drʉaeda aduʼa bʼaita (Apocalipsis 11:15). Mawũãsidu ĩjãpanʉ maʉ̃ bedʼea Jesuba jarada ʉ̃rʉ: «Zezera yi zroma baera mʉ̃ira» (Juan 14:28). Maʉ̃ba dayirãra Jesuʼara yiwidʼida ẽ akʉza ĩjã ẽ iyira Daizeze jõma oseabʉta.