¿Beudarãra jẽda piradrʉika?

DAIZEZE BEDʼEABA JARABɄTA

«Beudʼapeadʼara piradrʉbiyi» (Hechos 24:15, DB).

DAYIRÃRA SÃWŨÃ KʼAREBABɄ NAɄ̃ KʼAWUAIBARA

Mebẽrã beu bʉrʉ dera, zo zarea krĩcha bi bʉta ũdu dayi (2 Corintios 1:3, 4).

Iduari biyi dayi krĩchade beu krĩcha bʉra (Hebreos 2:15).

Jʉapanañi wãrĩnu jẽda ũduita dayi mebẽrã beudara (Juan 5:28, 29).

¿WÃRĨNU ĨJÃSEA BɄKA DAYIRÃBARA DAIZEZE BEDʼEARA?

Mawũã, bedʼea ũbeabʉ:

• Daizezeba jõma osi. Daizeze Bedʼeabara jarabʉ Jeowara «ẽjũã odʼa, ne jõma edʼa nʉmʉta odʼa» (Hechos 17:24, 25, DB, Salmo 36:9). Iya jõma oda baera beubʉrʉdera jẽda piradrʉbi seabʉ.

• Naenara Daizeze bara piradrʉbisi ẽbẽra beudarãra. Daizeze Bedʼea bara jarabʉ, ẽbẽra ocho jẽda piradrʉbisita yumakẽrãta, yuwẽrãta, warrãrata, zõrãrãta, mawũã nama egorode duanesi. Ʉ̃kʉrʉra atia beudabasi, mamina yumakẽrã abara beudata ewari kimare basi (Juan 11:39-44).

• Daizezebara kãgabʉ beudara jẽda piradrʉbita. Jeowabara beuira jura, maʉba akʉbʉ ne jura kĩrãkʼa (1 Corintios 15:26). Jõma jõbi kĩrabʉ beuira maʉ̃ iya jura bʉra oyi, jẽda piradrʉbi bʉrʉde beudarata. Kãgabʉ akʉza jẽda bamarẽã egoro yibidide iyi krĩchade bʉra (Job 14:14, 15).