YI 8

Yizadeba jaradiaita

Mateo 13:34, 35

JARAKĨRÃBɄ: Bʉa audre biʼia jaradiaita yizaraneba ẽbẽrarãba ũrĩbaride jaradiara, mamina ãya ũrĩbe ẽãta jararãra awuarabʉrʉ yizadeba ũdubira bedʼea audre yibiata.

SÃWŨÃ OSEABɄ

Yiza ẽbẽrarãba ũrĩseabʉta jʉrʉda. Jesude kĩrãkʼa jaradiaidua: ẽbẽrarã biʼia jara ũrĩbita jʉrʉibara ãya nekʼãrẽ kʼawuabʉde akʉza bedʼea zarea jaradiaita jaradiaibara ãya ũrĩseabʉde. Bʉa bedʼea jara ũrĩbikĩrãbʉta abarikabʉ ẽ bʉrʉ bedʼea audre yibiaʉ̃me jararãra. Yiza jaradianʉmʉnera mejãcha bedʼearãra.

Biʼia akʉra sãwũã audre bia oseabʉta. Biʼia akʉra bʉa ewariza akʉbʉdeba, bʉa kartara lebʉdeba akʉza mebẽrãba sãwũã biʼia jaradiabʉdeba maʉ̃neba sãwũã yiza yibia kʼawaseabʉta jaradiai ʉ̃rʉ. Bʉa kuadernone bʉseabʉ yizara audre kãgata mõbebʉrʉ bʉa jaradiakĩrãbʉrʉde jaradiaita.
Krĩchara ẽbẽrarãne. Yiza ãya ewariza obʉ ʉ̃rʉ jʉrʉda, adewara jʉrʉda bedʼea ãya ũrĩkĩrãbʉta, mamina jʉra kʼawua akʉra maʉ̃ bedʼea bʉa jʉrʉdaba aña krĩchabi ẽ baita.
Biʼia jaradia amaera bedʼea saʉ̃ta audre yibiabasita. Yizata jaradiara bedʼea audre yibia ʉ̃rʉbʉrʉ bedʼeabʉta. Bʉara biʼia krĩchaibara yi ũrĩpanʉrabara ũrĩsidata bedʼea audre yibiata yizaira.