YI 34
¿Dayirãbara Jeowa wãrĩnu kãgabʉra sãwũã ũdubiseapanʉ?
¿Bʉara Daizeze Bedʼea akʉ jʉ̃drʉdadeba Daizeze neũdukʼawua ba wãka? ¿Bʉara kãgabʉka audre iyi neũdukʼawua bʼaita? Mawũãbʉbʉrʉ Jeowaba jõma akʉbʉ bʉa obʉra akʉza iya bʉra audre kãga wãñi. Bʉara, ¿sãwũã ũdubiseabʉ wãrĩnu kãgabʉta?
1. ¿Dayirãbara sãwũã ũdubiseapanʉ Jeowa kãgapanʉta?
Dayirãba iyi Bedʼea ũrĩpanʉne ũdubipanʉ iyi wãrĩnu kãgabʉta (akʉra 1 Juan 5:3). Mamina iyara kãgabʉ soiduba odamarẽã. Iyara iduaribibʉ jidamarẽã iya zokʼabʉ oita mawũã ẽ bʉrʉ oẽãta, ¿kʼãrẽa? Jeowaba kãgabʉ baera «soiduba» ũrĩnamarẽã (Romanos 6:17). Iyara kãga ẽ ũrĩamane ũrĩra, awuarabʉrʉ kãgabʉ kãgade ũrĩnamarẽã. Yi 3debemane akʉza 4debemane bʉta kʼarebayi sãwũã Jeowa kãga ũdubiseabʉta nekʼãrẽ ũmene: Obʉde iya kãgabʉta akʉza jĩgabʉde iya kãga ẽãneba.
2. ¿Kʼãrẽa zare dayirãba Jeowa kãgabʉ ũdubita?
«Ẽbẽra biarãra mejãcha bedʼea zromata ũdupanʉ» (Salmo 34:19). Dayirã jõmaʉ̃ta nekayirua omia baera, zarea opanʉ nekayirua oẽ baita. Ũdupanʉ zʉbʉriata, edaʉde plata neẽ akʉza nekʼãrẽ bedʼea zroma awuarabʉta ũdupanʉ. Maʉ̃ bedʼea zroma ũdupanʉne edaʉde zare Jeowaba kãgabʉ oita, mamina bʉa Jeowaba jarabʉ obʉde ũdubibʉ wãrĩnu kãgabʉta nekʼãrẽ baduira akʉza ũdubibʉ iyiʉ̃me kʼẽrẽpa bakĩrãbʉta, maʉ̃ daucha iyira bʉme kʼẽrẽpa bayi akʉza amae ẽ bayi (akʉra Salmo 4:3).
AUDRE BIʼIA KʼAWUADADRɄ
Akʉdaya Jeowaba sãwũã akʉbʉta dayirã kʼẽrẽpabʉ kʼarea akʉza iya sãwũã kʼarebaseabʉta kʼẽrẽpa bʼaita iyiʉ̃me.
3. Bʉ ʉ̃rʉ jarabʉsida
Job libroba ũdubibʉ Diarura imitia bedʼeabasita, mamina maʉ̃ra bari Job ʉ̃rʉbʉrʉ bedʼea ẽ basi, awuarabʉrʉ ẽbẽrarã Jeowaʉ̃me kʼẽrẽpa bakĩrãbʉ ʉ̃rʉbida. Akʉra Job 1:1 akʉza 1:6-2:10, mõbe naʉ̃ta panʉidua:
Diaruba jarabadadeba, ¿kʼãrẽa Jobʼbara Jeowa bedʼeara ũrĩbasi? (Akʉra Job 1:9-11).
¿Diarubara kʼãrẽta jarabʉ ẽbẽra ʉ̃rʉra akʉza bʉ ʉ̃rʉ? (Akʉra Job 2:4).
Akʉra Job 27:5b, mõbe naʉ̃ta panʉidua:
¿Jobʼbara sãwũã ũdubisi Jeowa wãrĩnu kãgabʉta?
Jobʼbara ũdubisi wãrĩnu Jeowa kãgabʉta iyi kʼẽrẽpa badadeba.
Dayi kʼẽrẽpabʉdeba ũdubibʉ Jeowa wãrĩnu kãgabʉta.
4. Jeowara sobiabira
Akʉra Proverbios 27:11, mõbe naʉ̃ta panʉidua:
¿Jeowara sãwũã krĩchabʉ bʉa aripe obʉdeba? ¿Kʼãrẽa?
5. Bʉra Jeowaʉ̃me kʼẽrẽpa baseabʉ
Dayirãba Jeowata wãrĩnu kãgabʉ baera, iyi ʉ̃rʉ wuabemara bedʼeakĩrãbʉ, adewara iya jarabʉta opanʉ, edaʉde dayirãita zareamina maʉ̃ oita. Akʉra BIDEOTA, mõbe naʉ̃ta panʉidua:
¿Edaʉde bʉitara zareabʉka Jeowa ʉ̃rʉ bedʼeaira?
¿Kʼãrẽba kʼarebasi Graysonʼra iya ĩjãbʉ ʉ̃rʉ bedʼeaita iyi perabasimina?
Dayirãitara zarea ẽ bayi Jeowaʉ̃me kʼẽrẽpa bʼaita, iya jʉrabʉta jʉrabʉbʉrʉ akʉza iya kãgabʉta kãgabʉbʉrʉ. Akʉra Salmo 97:10, mõbe naʉ̃ta panʉidua:
Bʉa kʼawua wãnebara, ¿Jeowabara kʼãrẽta kãgabʉ akʉza kʼãrẽta jʉrabʉ?
¿Bʉa sãwũã kãgaseabʉ nebiata akʉza sãwũã jʉraseabʉ nemitiata?
6. Jeowaba kãgabʉ opanʉne bia wãñi
Jeowaba jarabʉta ũrĩra arigʉ yibia. Akʉra Isaías 48:17, 18, mõbe naʉ̃ta panʉidua:
¿Bʉara wãrĩnu ĩjãbʉka Daizezebara dayirãra bia wãmarẽã kãgabʉta? ¿Kʼãrẽa?
¿Sãwũã kʼareba zebʉrʉ Daizeze Bedʼea akʉbʉba akʉza Jeowa ʉ̃rʉ kʼawuabʉba?
Ʉ̃KɄRɄBA KRĨCHAPANɄTA: «Mʉ̃a obʉra Daizezeitara kʼãrẽ ẽ kĩrãkʼabʉ».
¿Kʼãrẽ testota ũdubiseabʉ, dayirãbara ũdubita Jeowabara akʉbʉta dayirãba obʉta?
KĨRÃBEITA
Bedʼea zroma erbʉmina bʉta kʼẽrẽpabʉbʉrʉ, ũdubibʉ Jeowara wãrĩnu kãgabʉta.
Panʉnadrʉ
¿Kʼãrẽta jaradiabʉ Job yizabara?
¿Sãwũã ũdubiseabʉ Jeowa wãrĩnu kãgabʉta?
¿Kʼãrẽba kʼarebai Jeowaʉ̃me kʼẽrẽpa bʼaita?
JɄRɄDA AUDRE KʼAWUAITA
Akʉra sãwũã kʼẽrẽpa baseabʉta Jeowaʉ̃me akʉza kongregasione.
«Ẽbẽrata bʉme kʼẽrẽpabʉbʉrʉ bʉsida iyiʉ̃me kʼẽrẽpa bayi» (16:49)
Audre kʼawuara sãwũã Diaruba imitia jarabʉta ẽbẽrarãra ʉ̃rʉ, Job ʉ̃rʉ imitia jarada kĩrãkʼa.
Akʉra sãwũã wũãwũãrabida ũdubiseabʉta Jeowa wãrĩnu kãgabʉta.
¿Sãwũã warrarãra kʼẽrẽpa baseabʉ wuabemaraba nemitia omarẽã jarapanʉmina?