YI 45
¿Kʼãrẽta odaibara kʼaiare ba ẽ baita?
Jesubara jarasi iyi kʼaidubemara naʉ̃ drʉadebema ẽãta (Juan 15:19). ¿Kʼãrẽta jarakĩrãkʉ kʼaiare ba ẽ baira? Jarakĩrãkʉ politikade eda wã ẽ baita akʉza yõne eda wã ẽ baita, mamina maʉ̃ oira edaʉde arigʉ zare. Dayirãta kʼaiare bʉ ẽ baera ʉ̃kʉrʉta ipidaseapanʉ. Mamina, ¿sãwũã Jeoware kʼẽrẽpa baseabʉ kʼaiare ba ẽ baita?
1. ¿Kristianorabara kʼãrẽta krĩchapanʉ nokʼo naʉ̃ drʉadebema ʉ̃rʉra?
Jesuba jarasi: «Césardʼera César diaudua». Maʉ̃ kʼarea kristianorabara nokʼoba jarabʉta opanʉ. Bari jaraita luz pagapanʉ, bania pagapanʉ akʉza ãya nekʼãrẽ omarẽã zokʼabʉta opanʉ (Marcos 12:17). Daizeze Bedʼeaba jaradiabʉ nokʼora naʉ̃ drʉadebemara Jeowaba iduaribibʉ kʼãrẽ (Romanos 13:1). Maʉ̃ kʼarea kʼawuapanʉ nokʼo naʉ̃ drʉadebemabara ewari jõmaʉ̃nẽ zokʼa ẽ baita. Adewara kʼawuapanʉ Daizeze Nokʼobʉrʉ ara oita jõma zʉbʉria naʉ̃ drʉadebʉra.
2. ¿Sãwũã ũdubiseapanʉ kʼaiarebʉ ẽãta?
Jesu nama egorode baside miõba okata osi, maʉ̃ kʼarea ẽbẽrarãbara kãgapanasi Jesura ãyi nokʼo bamarẽã, mamina Jesubara maʉ̃ra oẽ basi (Juan 6:15). ¿Kʼãrẽa? Iya jarasi: «Mʉ̃ Nokʼora naʉ̃ drʉadebema ẽ» (Juan 18:36). Maʉ̃ kʼarea abarika dayirãsida politikade eda wã panʉ ẽ, adewara nekʼãrẽ awurudebida mia kʼaiare panʉ ẽ. Bari jaradaita yõne eda wãna ẽ (akʉra Miqueas 4:3). Akʉza bandera wawia ũdubipanʉmina Daizeze kĩrãkʼa akʉda ẽ, mia trãna ẽ, maʉ̃ta obʉbʉrʉ maʉ̃ʼa yiwidʼi bʼai kĩrãkʼabʉ baera (1 Juan 5:21). Adewara miõ politikare wã ẽ awuarabʉrʉ ũdubipanʉ Daizeze Nokʼoare kʼẽrẽpa panʉta.
AUDRE BIʼIA KʼAWUADADRɄ
Akʉdayi kʼãrẽne zarea baseabʉta kʼaiare ba ẽ baita akʉza kʼãrẽta oibarata Jeowa sobiabita.
3. Kristianoarãra kʼaiare bʉ ẽ
Jesuba iyi kʼaidubemarabawaraʉba yiza biata diasi. Akʉra Romanos 13:1, 5-7 akʉza 1 Pedro 2:13, 14. Tẽã akʉra BIDEOTA, mõbe naʉ̃ta panʉidua:
¿Kʼãrẽa wawiadaibara nokʼorãra?
¿Sãwũã ũdubipanʉ nokʼoraba jarabʉta opanʉta?
Ʉ̃kʉrʉ pʉwʉrʉraba jarapanʉ kʼaiare panʉ ẽãta, mamina ẽbẽrarã yõbʉdadera ãyira eda yõbʉ. Mõbera, ¿kʼãrẽta jarakĩrãbʉ kʼaiare ba ẽ baira? Akʉra Juan 17:16. Tẽã akʉra BIDEOTA, mõbe naʉ̃ta panʉidua:
¿Kʼãrẽta odaibara kʼaiare ba ẽ baita?
Kõbe, nokʼoraba omarẽã jarara Daizezeba kãga ẽãta, ¿bʉara kʼãrẽta oi? Akʉra Hechos 5:28, 29. Tẽã akʉra BIDEOTA, mõbe naʉ̃ta panʉidua:
Nokʼoraba omarẽã jarara Daizezeba jipa kãga ẽãta, ¿kʼai bedʼeatrʉ ũrĩnaibara?
Bʉmara, ¿nokʼorabara kʼãrẽta omarẽã jarapanʉ kristianoraba obe ẽãta?
4. Bʉ kʼãrẽ obʉde akʉza bʉ krĩchade ũdubibara kʼaiarebʉ ẽãta
Akʉra 1 Juan 5:21. Tẽã akʉra BIDEOTA, mõbe naʉ̃ta panʉidua:
¿Kʼãrẽa Ayengera politikade eda wã ẽ basi akʉza banderaʼa trã ẽ basi?
Bʉmara, ¿iyara bia osika?
¿Akʉza kʼãrẽne zarea baseabʉ kʼaiare ba ẽ baita? Akʉra BIDEOTA, mõbe naʉ̃ta panʉidua:
Naʉ̃ drʉa jõmaʉ̃nẽ jemenebaranʉmʉnera, ¿sãwũã ũdubiseapanʉ kʼaiarebʉ ẽãta?
¿Sãwũã kʼaiarebʉ ẽãta ũdubiseapanʉ politikoraba jarabʉdade ãyiare bamarẽã?
¿Ẽbẽrarãba kʼãrẽta krĩchabiseabʉ mʉ̃aʼa ãya jarabʉdade mʉ̃ kʼaiare bʼai ʉ̃rʉ?
Kristiano wãrĩnuarabara, ¿kʼãrẽne ũdubibʉ kʼaiarebʉ ẽãta krĩchabʉde akʉza nekʼãrẽ jõma obʉde?
Ʉ̃KɄRɄBA WIDIPANɄTA: «¿Bʉara kʼãrẽa trã ẽ banderara akʉza kʼãrẽa trã ẽ bʉ pʉwʉrʉdebema trãbira (Himno)?».
¿Bʉara kʼãrẽta panʉi?
KĨRÃBEITA
Kristianora wãrĩnuarãra mejãcha zarea opanʉ politikare pana ẽ baita, maʉ̃ra ũdubipanʉ sãwũã krĩchabʉdeba, sãwũã bedʼeabʉdeba akʉza kʼãrẽ obʉdeba.
Panʉnadrʉ
Nokʼoraba zokʼabʉdebemara, ¿saʉ̃rata odaibara?
¿Kʼãrẽa politikare panʉ ẽ?
¿Kʼãrẽne zarebaseabʉ kʼaiare pana ẽ baita?
JɄRɄDA AUDRE KʼAWUAITA
¿Kʼãrẽta aduaseabʉ kʼaiare panʉ ẽ kʼarea?
¿Mebẽrãbara nãã kʼãrẽta oibara ãyita zare deguebʉrʉde kʼaiare ba ẽ baita?
Kʼẽrẽpa bʼaibara Jeowaʉ̃me naʉ̃ drʉadebema ãba bʉzrida barabʉde (4:25)
Ẽbẽrarã mejãchaitara gorogorode eda wãira arigʉ yibia, mamina, ¿wãrĩnu maʉ̃ra yibiaka?
¿Sãwũã ũdubipanʉ kʼaiare panʉ ẽãta trajo krĩchabʉrʉdera?
«Dayirã aba abakaʉba kʼãrẽ oita jidaibara» (Jarakabʉ, 15de marzode 2006de)