YI 55
Kʼarebara bʉ kongregasionba opanʉta
Naʉ̃ drʉa jõmaʉ̃nẽ ẽbẽrarã mejãchaʉba Jeowa ʉ̃rʉ kʼawuaita kongregasione ãba yi jʉrepanʉ. Naʉ̃ra kristianorabara kãgade opanʉ akʉza ũrĩpanʉ mama jaradiabʉta akʉza ãya oseabʉta opanʉ kongregasion kʼarebaita. ¿Bʉara maʉ̃rane kĩrãkʼa obʉka bʉ kongregasionera?
1. ¿Sãwũã kʼarebaseabʉ bʉ kongregasionʼra bʉ ewari diabʉba akʉza bʉ zarea diabʉdeba?
Kongregasionera jõmaʉ̃ba kʼarebaseabʉ. Bari jaradaita, ¿bʉka bʉ kongregasionera mebẽrã kayabeta mawũã ẽ bʉrʉ zõrãrãbeta? ¿Bʉara jaraseabʉka ãba yi jʉrebarima edeita? Akʉza ¿kʼarebaseabʉka yiko edaita mawũã ẽ bʉrʉ deda kʼarebaita? (Akʉra Santiago 1:27). Adewara jaraseabʉ kʼarebaseabʉta ãba yi jʉrebaride jareita mawũã ẽ bʉrʉ ara oita. Maʉ̃ oita oamane opanʉ ẽ awuarabʉrʉ soiduba opanʉ Daizezeta kãgapanʉ baera akʉza wuabemara mebẽrãrata (Salmo 110:3).
Ẽbẽrarã buru kʼoeda tẽã kʼarebaseabʉ kongregasione nekʼãrẽ mejãcha awuara oita. Bari jaradaita, mebẽrã yumakẽrãrarã baseabʉ zõrãrã kʼarebabarita mawũã ẽ bʉrʉ ewari berabari wãne ãyisida zõrãrã baseabʉ. Adewara dayirã jõmaʉ̃ba audre jaradia wãseabʉ Daizeze Nokʼo ʉ̃rʉ akʉza yi nãã edebari bʼaita. Akʉza ʉ̃kʉrʉ mebẽrãba kʼarebaseabʉ Daizeze Nokʼo ʉ̃rʉ bedʼeabari de parãita, mawũã ẽ bʉrʉ drʉa jãpe wãseabʉ kongregasionba jaradia wãima nesidabʉde.
2. ¿Sãwũã dayirãbara kʼarebaseabʉ kongregasionʼra dayirã platadeba akʉza nekʼãrẽ awuara diabʉdeba?
Daizeze Bedʼeaba jarabʉ: «Wawia ũdubira Jeowa bʉa audre nebia erbʉdeba» (Proverbios 3:9). Dayirãitara arigʉ yibia dai plata kʼãwũã zokʼapanʉne kongregasione kʼarebaita akʉza naʉ̃ drʉa jõmaʉ̃nẽ opanʉne jaradia wãita (akʉra 2 Corintios 9:7). Adewara dai plata diabʉdeba mebẽrã zʉbʉriapanʉra kʼarebapanʉ. Ʉ̃kʉrʉba ãya ganabʉdeba platata wuagabʉ mawũã Jeowaʼa diaita (akʉra 1 Corintios 16:2). Maʉ̃ platara diaseabʉ ãba yi jʉrebari deda kaja zakebʉde mawũã ẽ bʉrʉ diaseabʉ pagina donate.jw.org deba. Jeowabara iduaribibʉ dayirãba nekʼãrẽ erbʉdeba diamarẽã mawũã iyaʼa kãgabʉ ũdubita.
AUDRE BIʼIA KʼAWUADADRɄ
Akʉdaya bʉa kʼãrẽta oseabʉta bʉ kongregasion kʼarebaita.
3. Bʉa plata erbʉdeba kʼarebaseabʉ
Jeowaba Jesumebara kãga sobiade diapanʉta. Bari jaradaita, Jesubara ũdusi sãwũã ẽbẽra wẽrã pẽdraba kʼãrẽ neẽã badaba plata iya erbada sãwũã diadata. Akʉra Lucas 21:1-4, mõbe maʉ̃ ʉ̃rʉ bedʼeaidua:
¿Platata mejãcha diaibaraka mawũã Jeowa sobiabita?
¿Jeowaba Jesumebara kʼãrẽta krĩchabʉ dayirãba soiduba diabʉrʉde?
Kʼawuaita daya plata diabʉba maʉ̃ba kʼãrẽta opanʉta, akʉra BIDEOTA. Mõbe naʉ̃ ʉ̃rʉ bedʼeaidua:
¿Sãwũã kʼarebaseabʉ kongregasion naʉ̃ drʉa jõmanebemata dayirãba plata diabʉdeba?
4. Bʉa jaraseabʉ kʼarebakĩrãbʉta
Jeowa ode panʉra nãã badarabida soiduba kʼarebasi Daizeze de ara oita, ãya plata awabʉrʉ diada ẽ basi. Akʉra 2 Crónicas 34:9-11, mõbe naʉ̃ta panʉidua:
¿Israelitarabara kʼãrẽta osida Jeowa yiwidʼibari de akʉita?
Maʉ̃ kʼawuaita sãwũã Jeowa ʉ̃rʉ Kʼawuabipanʉrãbara maʉ̃ra ne kĩrãkʼa opanʉta idi ewade, akʉra BIDEOTA. Mõbe naʉ̃ta panʉidua:
¿Kʼãrẽa yibia dayirã ãba yi jʉrebaridera ãrĩbi ẽã erbaita akʉza jõma jaigʉ ẽã erbaita?
¿Bʉara sãwũã kʼarebaseabʉ?
5. Yumakẽrãbara audre zarea oseabʉ kongregasione kʼarebaita
Daizeze Bedʼeaba jarabʉ yumakẽrãra zarea oibarata kongregasione kʼarebaita akʉza Jeowaba kãgabʉ audre owãita. Audre kʼawuadaita mebẽã abaʉba sãwũã osita, akʉra BIDEOTA. Mõbe naʉ̃ta panʉidua:
¿Ryanbara kʼãrẽta osi Daizezedebema audre oita akʉza kongregasione kʼarebaita?
Daizeze Bedʼeabara jarabʉ yumakẽrãraba kʼãrẽta oibarata zõrãrã kʼarebabari ba zeita akʉza zõrãrã bʼaita. Akʉra 1 Timoteo 3:1-13, mõbe naʉ̃ta panʉidua:
Ʉ̃KɄRɄBA WIDIPANɄTA: «¿Jeowa ʉ̃rʉ Kʼawuabipanʉrãbara sãwũã ũdubʉ platara ãya kʼãwũã obʉ jõma oita?».
¿Bʉara kʼãrẽta panʉi?
KĨRÃBEITA
Jeowabara bia akʉbʉ dayirãba kongregasione dayirã ewarita, dayirã zareata akʉza platata diabʉ baera kʼarebaita.
Panʉnadrʉ
¿Dayirãbara kongregasionʼra sãwũã kʼarebaseabʉ dayirã ewari diabʉdeba akʉza dayirãba zarea diabʉdeba?
¿Dayirãba sãwũã kʼarebaseabʉ kongregasionʼra plata diabʉdeba?
¿Bʉara sãwũã kʼarebakĩrãbʉ kongregasionʼra?
JɄRɄDA AUDRE KʼAWUAITA
Kʼawuara kʼãrẽa Daizezeba jʉ̃ã ẽãta iyi ode panʉraba diezmota diamarẽã.
«¿Kʼãrẽta jarabʉ Daizeze Bedʼeabara diezmo diai ʉ̃rʉra?» (Artikulo jw.org)
Daizeze Bedʼeabara jarabʉ yumakẽrãra buru kʼoebʉbara nekʼãrẽ oibarata. Mamina ¿kʼãrẽta berabariseabʉ yuwẽrã buru kʼoebʉba maʉ̃ta oibarabʉrʉ?
«Jeowaba jaradata zokʼai ʉ̃rʉ kongregasione» (Jarakabʉ, febrero 2021ne)
Ũdukʼawuara ʉ̃kʉrʉ mebẽrã Jeowa ʉ̃rʉ Kʼawuabipanʉrãta zarea opanʉta kartara edeita mebẽrã congodebemaraita.
Edepanʉ kartara Daizeze Bedʼeadeba odata mebẽrã congodebemaraita (4:25)
Akʉra sãwũã pagapanʉta Jeowa ʉ̃rʉ Kʼawuabipanʉrãbara ãya obʉra awuru religionba obʉira.
«¿Sãwũã opanʉta Jeowa ʉ̃rʉ Kʼawuabipanʉrãbara ãya obʉ pagaita?» (Artikulo jw.org)