¿Trãbideba kʼãrẽta kʼawuapanʉ?

¿Bʉara saʉ̃ trãbita audre kãga JW Broadcasting^® nera? ¿Kʼãrẽa? ¿Naʉ̃ bideo trãbibara ũdubibʉka dayi kʼãwũãne berabaribʉta? Naʉ̃ra bideo trãbide kĩrãtana zabʉ baera, dayimabʉ trãbita zapanʉ. Mamina naʉ̃ bideo trãbira bari za ũrĩbipanʉ ẽ.

Naʉ̃ bideo trãbibara dayirãʼa nekʼãrẽta jaradiabʉ adewara jaradiabʉ Daizeze bedʼea sãwũã jaradia wãita. Ʉ̃kʉrʉ trãbidera bedʼeabʉ dayirãba sãwũã bia edai ʉ̃rʉ wuabemarata, ãba bʼai ʉ̃rʉ, neũdukʼawua ʉ̃rʉ, zowaĩnĩgʉa bʼai ʉ̃rʉ, kãgai ʉ̃rʉ akʉza ĩjãi ʉ̃rʉ. Ʉ̃kʉrʉ trãbibara jarabʉ Jeowama jẽda wãi ʉ̃rʉ, wuabemaba kayirua oda kĩrãduai ʉ̃rʉ, ewari jõmaʉ̃nẽ kʼẽrẽpa bʼai ʉ̃rʉ akʉza nekʼãrẽ oibara Jeowaʼa audre diaita. Adewarabʉ trãbi selular sãwũã zokʼa kʼawuai ʉ̃rʉ jarabʉta. ¿Naʉ̃ trãbi ũrĩbʉdebara kʼãrẽta kʼawuabʉrʉ?

BIDEO TRÃBI MUY CERCA ŨDUBIDA TẼÃ, PANɄRA NAɄ̃ WIDITA:

• ¿Kʼãrẽ nebia ʉ̃rʉ krĩchapanʉ juwa jidapanʉ zõrãrãbara? (Gé 12:3).

• ¿Kʼãrẽta oibara audre ĩjãita Jeowaba jarada aripe berabarita?

• ¿Dayirãbara kʼairata aranʉbai ũdudai?

• ¿Sãwũã kʼarebabʉ Daizeze Nokʼoba jaradadebara idi ewade kʼãwũã zʉbʉriabʉ awuantaita? (Ro 8:25).