BʼAITA KRISTIANORA KĨRÃKʼA
Ibia bedʼeabibara Jeowa ʉ̃rʉ yi nãã edebari babʉrʉde
Jeowaba Egiptodeba ẽdrʉbisi baera akʉza gorogorora paraoneba kʼarebasi baera israelitarãra maʉ̃ kʼarea ibia bedʼeaibarabasi Jeowa ʉ̃rʉ (Éx 15:1, 2). Jeowabara idi ewadebida kʼarebabʉ iyi pʉwʉrʉra. Maʉ̃ kʼarea, ¿sãwũã biga diaibara? (Sl 116:12).
Dayirãra yi nãã edebari 50 ora diabari baseabʉ, mawũã ẽ bʉrʉ yi nãã edebari 70 ora diabari baseabʉ. Maʉ̃ okĩrã obimarẽãra Jeowaʼa zareata wididaibara aripe oita (Flp 2:13). Mebẽrã mejãchaʉba nãã ojʉ̃drʉpanʉ yi nãã edebari 50 ora diabʉta. Jedeko marzo akʉza abrildera diabʉ 30 ora mawũã ẽ bʉrʉ 50 ora naʉ̃ra abarika oseabʉ kongregasionʼra akʉbari zõrãrã zebʉrʉde. Dayirãba kʼawuabʉrʉde yi nãã edebari 50 ora diabʉba arigʉ sobiabibʉta mawũãra oseabʉ, yi nãã edebari 70 ora diabʉta. Mebẽrã mejãcha trajapanʉmina akʉza kayapanʉmina ãya opanʉ yi nãã edebari 70 ora diabʉta (mwb16.07-S 8). ¿Dayirãra Jeowa ʉ̃rʉ ibia bedʼeabi kʼarea zarea oibara ẽka? (1Cr 16:25).
BIDEO MEBẼRÃ ŨBEA MONGOLIADEBEMATA ŨDUBIDA TẼÃ, PANɄRA NAɄ̃ WIDITA:
¿Mebẽrãbara kʼãrẽ bedʼea zromata ũdusida yi nãã edebari bʼai nawedara?
¿Kʼãrẽ nebiata ũdusida?
¿Ãyi yi nãã edebari basidera kʼãrẽ nebiata ũdusida Jeowaʼa audre diaita?
¿Ãyi yizabara sãwũã kʼarebasi wuabemara?