Mara juwa jidabʉra bia akʉidua

Jeowaita juwa jidapanʉrãra arigʉ neneẽãbʉ, maʉ̃ kʼarea kãgabʉ ewari jõmaʉ̃nẽ ãba panamarẽã (Mt 19:5, 6). Jeowa pʉwʉrʉdera mejãcha panʉ juwa jidapanʉra sobiapanʉta. Juwa jidapanʉrasida nemitia omia baera edaude bedʼea zroma ũduseapanʉ. Maʉ̃ kʼarea krĩcha ẽ baibara dayi kima idubʉbʉrʉba bedʼea zroma jõma taʉdogota. ¿Kristianora juwa jidadarabara ãyi kʼãwũã juwa jidadara sãwũã akʉseabʉ?

Akʉdaya bedʼea juesoma.

1. Akʉra bʉ sora. Akʉza iduaribirãra awuruta bʉme auduamarẽã. Maʉ̃rabara ãrĩseabʉ dayi juwa jidabʉra (Mt 5:28; 2Pe 2:14).

2. Audre Jeowa kʼawabara akʉza zarea ora mara kʼãwũã juwa jidada Jeowaba bia akʉmarẽã (Sl 97:10).

3. Nebiata oũdubira akʉza nekʼãrẽ biabʉta diara mawũã iyi sobia bamarẽã (Col 3:8-10, 12-14).

4. Yiya bedʼea kʼawuaidua akʉza wawiata ũdubidua (Col 4:6).

5. Ãba yi erkʼãĩbʉrʉde yi kãgapanʉta ũdubidua (1Co 7:3, 4; 10:24).

Yi mia kʼãĩpanʉraba ãyi juwa jidadata wawia ũdubipanʉbʉrʉ Jeowabida wawia ũdubipanʉ.

BIDEO ZAREA WẼBADAIBARA: ODAIBARA DAYIRÃ WẼBAMARẼÃ JARABɄTA ŨDUBIDA TẼÃ, PANɄRA NAɄ̃ WIDITA:

• 

  Juwa jidapanʉrata bia wãmina, ¿kʼãrẽ bedʼea zromata ũduseapanʉ?

• 

  Juwa jidapanʉrata kãgata jõsibʉrʉ Daizeze Bedʼearadebemabara, ¿sãwũã kʼarebaseabʉ?

• 

  ¿Jeowabara kʼãrẽ ũrãgʼata diabʉ juwa jidapanʉrãra?

• ¿Juwa jidapanʉrabara kʼãrẽta oibara ãyi sobiapanamarẽãra?