BʼAITA KRISTIANORA KĨRÃKʼA | SOBIABARA JARADIA WÃBɄDE
Wuabema ʉ̃rʉ krĩchadaibara
Wuabemara ʉ̃rʉ krĩchabʉde krĩchaibara ãya kʼãrẽta krĩchabʉta kʼãrẽ sentibʉta kʼãrẽ kãgabʉta akʉza kʼãrẽ nesidabʉta. Wuabemara ʉ̃rʉ krĩchabʉrʉde wãrĩnu kʼarebakĩrãbʉ wuabemarata. Jaradiabʉde wuabemara ʉ̃rʉ krĩchabʉta ũdubibʉbʉrʉ Jeowaba obʉ kĩrãkʼa kãgata ũdubiyi wuabemara maʉ̃ba ãyara audre ũdukʼawuakĩrã wãñi Jeowa ʉ̃rʉ (Flp 2:4).
Wuabemara ʉ̃rʉ krĩchaiba bari kʼareba ẽ bayi dayirãba awurua bia jaradiaita awuarabʉrʉ kʼarebayi daya bia ũrĩta ibiade bedʼeaita akʉza dayi kĩrãba ũdubiyi wuabemara ẽbẽrarã ʉ̃rʉ krĩchabʉta. ¿Sãwũã ũdubibʉ wuabemara ʉ̃rʉ krĩchabʉta? Akʉbʉde kʼãrẽta kãgabʉta kʼãrẽta ĩjãbʉta iyi sãwũãbʉta ũrãgʼa diabʉde akʉza kʼarebabʉde mamina mesera obi ẽã. Ẽbẽra dayirãba jaradiabʉa iya idu kʼarebabira dayirãra sobiapanañi.
BIDEO DAIZEZE BEDʼEA ẼBẼRA SOIDU JɄ̃ẼBIBɄBA SOBIABIBɄ. AUDRE BIA ORA: WUABEMA Ʉ̃RɄ KRĨCHADAIBARA ŨDUBIDA TẼÃ PANɄRA NAɄ̃ WIDITA:
¿Ritabara sãwũã ũdubisi Eriyidaʉ krĩchabʉta ãsa zeside?
¿Ritabara sãwũã ũdubisi krĩchabʉta Eriyidaʉ Daizeze Bedʼea akʉamabaside krĩcha zroma obʉba?
Wuabemara ʉ̃rʉ krĩchabʉta ũdubibʉbʉrʉ maʉ̃ba ãyara audre ũdukʼawuakĩrã wãñi Jeowa ʉ̃rʉ.
¿Ritabara sãwũã krĩchabʉta ũdubisi Eriyidaʉba jaraside iyi kuarto jaigʉabʉta?