BʼAITA KRISTIANORA KĨRÃKʼA

Bʉra ewari jõmaʉ̃nẽ sobia baseabʉ: kʼareba yiwidideba jaradiaita wãrĩnu ʉ̃rʉ

Kʼãrẽaba yibia libro yiwidita erpanʉ baera akʉza karta yiwidita erpanʉ baera Daizeze Bedʼea ʉ̃rʉ jaradiabarita. Jeowaʼa widipanʉ dayirãta kʼarebamarẽã zarea opanʉ baera, ẽbẽrarãba Jeowa ʉ̃rʉ ĩjãnamarẽã (Mt 28:18-20; 1Co 3:6-9). ¿Maʉ̃ kʼareba yiwidira, sãwũã zokʼaseapanʉ?

Maʉ̃ra kartara Daizeze Bedʼea jaradiaita awuara zokʼai baera, dayirãbida awuara odaibara jaradiapanʉnera. Maʉ̃ kʼarea naʉ̃ta ora bʉa nãã kʼawuabʉrʉdera akʉza naʉ̃neba jaradiabʉrʉde Daizeze Bedʼea ʉ̃rʉ:a

Lera yi eda jarabʉta akʉza akʉra yi bedʼea widibʉrata.
Lera testora eda jarabʉra akʉza kʼarebara bʉ nekʼawuabariba ũrĩmarẽã naʉ̃raba kʼãrẽta jaradiabʉta.
Akʉbira yi bideora bʉrãra akʉza bedʼea naʉ̃ kartarade widibʉra, widira.
Lesion jõma estudiara jaradiabʉrʉza.

Deza jaradia wãbʉrʉdera nããra diara yi kartata, iya ũrĩkĩrãbʉ kʼawuaita (akʉra rekuadro «Sãwũã diaita yi nãã bedʼea jʉ̃drʉbʉrʉde yi karta Bʉra ewari jõmaʉ̃nẽ sobia baseabʉ» pagina 16de). Jõma estudiadara yi kartata akʉza yi nekʼawuabariba audre kʼawuakĩrãbʉbʉrʉ, diara yi librota akʉza jʉ̃drʉseapanʉ yi 4deba. Bʉ nekʼawuabariʉ̃meba akʉpanʉbʉrʉ dayirã kartaranebemata, berabarira yi libro Bʉra ewari jõmaʉ̃nẽ sobia baseabʉma, bʉa jidayi samaʉ̃ba jʉ̃drʉseabʉta.

Iyabaʉ juwa jidapanʉraba Daizeze Bedʼea ʉ̃rʉ jaradiapanʉ maʉ̃ ẽbẽra iyi deda akʉza zokʼapanʉ libro «Bʉra ewari jõmaʉ̃nẽ sobia baseabʉ».

BIDEO BIA ZEBɄRɄ DAIZEZE BEDʼEA KʼAWUAITA ŨDUBIDA TẼÃ, PANɄRA NAɄ̃ WIDITA:

¿Yi nekʼawuabarirabara kʼãrẽta kʼawuadayi libro yiwididera?
¿Kʼãrẽa ũdubibara naʉ̃ bideora yi nekʼawuabarira yiwidirãra?
¿Kʼãrẽta omarẽã jaraseabʉ bʉ nekʼawuabarirãra? (Akʉra yi rekuadro «Bedʼea audre yibia akʉza kʼãrẽta oita lesionza» pagina 16de).

a NOTA: Bʉa bʉ nekʼawuabariʉ̃meba akʉ ẽ mina yi «Jʉrʉda audre kʼawuaita», bʉara jõma akʉibara bʉyidobaʉba bʉ dedabʉde. Mawũãtrʉ bʉa kʼawuayi bʉ nekʼawuabariba kʼãrẽta kãgabʉta, adewara mawũãtrʉ yibiabayi iyita. Naʉ̃ karta internetʼne bʉbara erbʉ bideo akʉbarita akʉza awuru bedʼearata naʉ̃ ʉ̃rʉ bedʼeabʉta.

BEDʼEA AUDRE YIBIA AKɄZA KʼÃRẼTA OITA LESIONZA
	YI	BEDʼEA AUDRE YIBIA	NEKʼAWUABARIBA OMARẼÃ
1	1-12	Daizeze Bedʼeaba sãwũã bʉra kʼarebaseabʉta akʉza bʉa sãwũã ũdukʼawuaita yi Parãnata.	Jarada bʉ nekʼawuabariʼa Daizeze Bedʼea lemarẽã, bʉa iyaʼa jaradia wãi nãã iyidobaʉba nãã akʉmarẽã akʉza jʉ̃ẽmarẽã ãba yi jʉrebarima.
2	13-33	Akʉra Daizezeba kʼãrẽta obʉta dayirã kʼarea akʉza iya kãgabʉde yiwidʼibʉde.	Jarada bʉ nekʼawuabariʼa jaradiamarẽã wuabemara iya ĩjãbʉ ʉ̃rʉ akʉza ne jaradiabari bamarẽã.
3	34-47	Akʉra Daizezebara kʼãrẽta jʉ̃ãbʉ iyi ode panʉraba omarẽãra.	Jarada bʉ nekʼawuabariʼa iyi bebʉ Daizezeʼa diamarẽã akʉza buru kʼoemarẽã.
4	48-60	Kʼawuara Daizeze sãwũã audre kãga wãseabʉta.	Jaradiara bʉ nekʼawuabariʼa akʉ kʼawuamarẽã saʉ̃ta biata akʉza saʉ̃ta kayiruata adewara Daizeze ode wari wãmarẽã.