¿Sãwũã audre oseapanʉ mebẽrã wẽrãrabara?

Mebẽrã wẽrãrabara mejãcha obʉ Daizeze Nokʼo kʼarea (Sl 68:11). Ãya Daizeze Bedʼea kʼawuabipanʉ akʉza yi nãã edebarirãra audre panʉ wẽrãrata. Naʉ̃ra mebẽrãnebemarãra ʉ̃kʉrʉta trajapanʉ betelde, ʉ̃kʉrʉra zokʼa bʉepanʉ awuru drʉa eda Daizeze Bedʼea jaradiaita, ʉ̃kʉrʉta trajapanʉ de parãita akʉza trajapanʉ tradusione. Ʉ̃kʉrʉ mebẽrã wẽrãra bia kʼawuabʉ baera Daizeze Bedʼeadebema sãwũa oita kʼarebapanʉ kongregasione akʉza dedabida (Pr 14:1). Mebẽrã wẽrãrãra zõrãrã babe ẽ mina akʉza zõrãra kʼarebabari babe ẽ mina nekʼãrẽ awuara oseapanʉ. Mawũẽra mebẽã wẽrã, ¿kʼãrẽta wabida oseabʉ Jeowaitara?

• Zarea oita nebia oũdubita (1Ti 3:11; 1Pe 3:3-6).

• Kʼarebaita mebẽrã krĩcha bia waebʉta (Tit 2:3-5).

• Audre jaradiaita akʉza biʼia jaradiaita.

• Awuru bedʼea kʼawuaita.

• Wãita nejaradiabarira waebʉmae.

• Betelde trajaita.

• Wãita Nejaradiabari de Daizeze Bedʼea jaradiabariraita.

BIDEO «WẼRÃRATA ZAREA OPANɄ JEOWA AUDRE DIAITA» ŨDUBIDA TẼÃ, PANɄRA NAɄ̃ WIDITA:

• ¿Naʉ̃ra mebẽrã wẽrãrabara sãwũã so zarea diasi?