BʼAITA KRISTIANORA KĨRÃKʼA
Warrara, mara yibarira jõma jaraidua
¿Kʼãrẽa jaraibara bʉa krĩchabʉra bʉ yibarira? (Pr 23:26). Jeowaba zokʼasi baera bʉta biʼia akʉmarẽã akʉza jaradiamarẽã saʉ̃ ota audre yibiata bʉitara (Sl 127:3, 4). Bʉa bʉ yibarira jara ẽ bʉrʉ bʉ sãwũã krĩchabʉta, ãyitara zarebayi bʉ kʼarebaita. Akʉza aduaseabʉ jõma bʉ yibariraba kʼawuabʉ kʼawuaita. Bʉmara, ¿bʉara bʉ yibarirãra jõma jaraibaraka? Jõma jarai nesida neẽ, mamina bʉa nekayiruata osibʉrʉ, maʉ̃ra bʉ yibarirãra merakara (Pr 3:32).
¿Bʉara kʼãrẽta oseabʉ bʉ yibariraʉ̃me bedʼeaita? Ewari biata jʉrʉda bʉ yibariraʉ̃me ãba bedʼeaita. Bʉita zarebʉrʉ bʉ yibariraʉ̃me bedʼeaita, kartade bʉseabʉ bʉ sãwũã krĩchabʉ ʉ̃rʉ. Mamina bʉ yibariraba bedʼea jarakĩrãbʉta bʉa ũrĩkĩrã ẽ bʉrʉ, ¿kʼãrẽta kĩrãbeibara? Kĩrãbera ãyara bʉra wãrĩnu kʼarebakĩrãpanʉta. Ãyira bʉ neũdukʼawua, bʉta idi wedaʉba bʉ yibariraʉ̃me bedʼeabʉbʉrʉ, kʼarebayi idi ewaride akʉza ʉ̃rabʉrʉ zeidebida (Pr 4:10-12).
BIDEO BɄ WARRARABɄDE: SÃWŨÃ BɄ YIBARIRAɄ̃ME BEDʼEAITA ŨDUBIDA TẼÃ, PANɄRA NAɄ̃ WIDITA:
¿Kʼãrẽta jarabʉ Estherba akʉza Partikba?
¿Bʉa kʼãrẽta kʼawuaseabʉ Jesu ʉ̃rʉra?
¿Bʉ yirarirabara sãwũã ũdubipanʉ bʉra kãgabʉta?
Bʉ yibariraba kãgabʉ bʉra ewari jõmaʉ̃nẽ bia wãmarẽã.
¿Kʼãrẽ Daizeze Bedʼearadebemaba kʼarebaseabʉ bʉta bʉ yibariraʉ̃me bedʼeamarẽã?