BʼAITA KRISTIANORA KĨRÃKʼA
¿Samuel obadadeba kʼãrẽta kʼawuaseapanʉ?
Samuelʼra ewari jõmaʉ̃nẽ Jeoware kʼẽrẽpabasi akʉza wikayirudeba Elí warrara kĩrãkʼa bakĩrã ẽ basi, Elí warrarãra jipa nekayiruata opanasi baera, ãyi trʉra Hofní akʉza Finehás basi (1Sa 2:22-26). Samuel wari wãbʉrʉza Jeowa kʼarebata erbasi (1Sa 3:19). Akʉza iyi zõnabasidu Jeowa bedʼeata ũrĩbasi, yi warraraba Jeowa bedʼea ũrĩkĩrã ẽ basimina (1Sa 8:1-5).
¿Kʼãrẽta jaradiabʉ Samuel yizabara? Warrarabara wãrĩnu ĩjãseapanʉ Jeowabara biʼia kʼawuabʉta ãyi sãwũã sentibʉta akʉza sãwũã krĩchapanʉta. Jeowaba kʼarebayi zowaĩnĩgʉa erbaita (Is 41:10, 13). Mebẽrã ãyi warrara Daizeze odeba ãĩ wãpe erbʉra Samuel yizaba kʼarebaseabʉ, Samuelbara iyi warrarãra kriña Jeowata kãgabibe ẽ basi, mamina iyira mawũãsidu Jeowaʉ̃me kʼẽrẽpabasi. Samuelbara jõma Jeowa juwade iduaribisi akʉza Jeowara sobiabibasi. Yibarira yizadeba warrarãra jẽda Jeowama zeseabʉ.
BIDEO KʼAWUADADRɄ ÃYI Ʉ̃RɄ: SAMUEL ŨDUBIDA TẼÃ, PANɄRA NAɄ̃ WIDITA:
¿Samuel wiñayirasidera sãwũã ũdubisi zowaĩnĩgʉa erbʉta ?
¿Dannybara sãwũã zowaĩnĩgʉa erbʉta ũdubibasi?
¿Samuel zõrabasidera kʼãrẽ yiza biata ũdubisi?
Jeowabara kʼarebabʉ yi jõma kʼẽrẽpapanʉra.
¿Danny yibarirabara kʼãrẽ yiza biata ũdubisida?