Kʼarebaibara dayi nekʼawuabarira jʉramarẽã Jeowaba jʉrabʉta

Nekʼawuabarirata Jeowa neũdukʼawua bʼaita, nããra ãyi nemitiata amaenaibara (1Pe 1:14-16). Ãya ãyi nemitia obʉta idubʉra yi mebẽrãbawara bia wãseabʉ, zroga baseabʉ akʉza plata biʼia zokʼa kʼawuaseabʉ.

Biʼia jara ũrĩbira bʉ nekʼawuabarira Jeowaba kʼãrẽta zokʼabʉta, kʼãrẽa Jeowaba maʉ̃ta zokʼabʉta akʉza kʼãrẽa maʉ̃ra yibiata ãyi bebʉitara. Kʼarebara bʉ nekʼawuabarirata awuara krĩchamarẽã, mawũã iya awuara okʼawua wãñi (Ef 4:22-24). Ũdubira nekayirua iya nãã obada amaeita Jeowaba wãrĩnu kʼarebaseabʉta (Flp 4:13). Jaradiara bʉ nekʼawuabarira nemitia oi naweda, Jeowa kʼarebata jʉrʉmarẽã. Kʼarebara iya ũdukʼawuamarẽã kʼãrẽba baebiseabʉta, adewara kʼarebara nemitia oi kaude nebiata omarẽã. Bʉa ũdubʉrʉde bʉ nekʼawuabariba Jeowa kʼarebadeba nebia owãta, bʉra mejãcha sobiayi.

BIDEO KʼAREBAIBARA DAYI NEKʼAWUABARIRA JɄRAMARẼÃ JEOWABA JɄRABɄTA ŨDUBIDA TẼÃ, PANɄRA NAɄ̃ WIDITA:

• 

  ¿Kʼãrẽta osida zõrãrãba akʉza Ritaba Eriyidaʉba jarasidera chirua kayirua dobasita?

• 

  ¿Ritabara kʼãrẽta osi Eriyidaʉ kʼarebaira?

• 

  ¿Eriyidaʉbara kʼãrẽta osi Jeowaba kʼarebamarẽãra?