BʼAITA KRISTIANORA KĨRÃKʼA
¿Bʉara kʼãrẽ neũdukʼawuata erbʉ internetʼnera?
Neũdukʼawua bia bʼaira nããra kãgata ũdubidaibara. Davidba Goliat beada tẽã, David Jonatánʼʉ̃mera neũdukʼawua bia basida (1Sa 18:1). Ãya yiya akʉbasi kʼãrẽ nebia erpananata, maʉ̃ba kʼarebasi audre neũdukʼawua bia bʼaita. Neũdukʼawua bia erbaira nããra biʼia ũdukʼawuaibara, maʉ̃itara ewarita jʉrʉibara ãba bʼaita akʉza zarea oibara. Mamina internetʼnera zare ẽ «neũdukʼawua» ũduira. Internetʼnera ẽbẽrarãbara wãrĩnuta jara ẽ ãyi ʉ̃rʉra, wãrĩnu ãyi arata ũdubida ẽ baera. Maʉ̃ kʼarea biʼia akʉibara dayirãbara kʼãrẽ neũdukʼawuata erpanʉta internetʼnera. Ẽbẽra abaʉba solisituta zokʼara iyi neũdukʼawua bamarẽã, perarãra jaraita bʉra iyi neũdukʼawua bakĩrã ẽãta. Ʉ̃kʉrʉba bedʼea zroma ũdupanʉ baera internetʼne, krĩchapanʉ internetʼne edabʉra neũdukʼawua jʉrʉita zokʼa ẽ baita, mamina naʉ̃ranebemata zokʼakĩrãbʉbʉrʉ, ¿bʉara nããrãra kʼãrẽta krĩchaibara?
BIDEO INTERNETʼTA ZOKʼABɄBɄRɄ MAɄ̃A YI EDEBIRÃRA ŨDUBIDA TẼÃ, PANɄRA NAɄ̃ WIDITA:
¿Internetʼne kʼãrẽ poto ʉ̃tʉ zebi nãã akʉza kʼãrẽ bedʼea jarai nãã, kʼãrẽta krĩchaibara?
¿Kʼãrẽa biʼia kʼawuabaibara kʼaita bʉ neũdukʼawua bʼaira internetʼnera?
¿Kʼãrẽa jʉra kʼawuabaibara ewari mejãcha berabari ẽ baita internetʼne? (Ef 5:15, 16).