Bedʼea zroma dayirãba erbʉra ewari jõmaʉ̃nẽ ba ẽ bayi

Bedʼea zroma erpanʉta dããrababʉrʉ sopʉabiseabʉ dayirãra. Davidbara biʼia kʼawuabasi iya bedʼea zroma erbadara Saúlba obada kʼarea, ewari jõmaʉ̃nẽ erba ẽ bʼaita akʉza kawuabasi iyira nokʼo bʼaita Jeowaba jarada kĩrãkʼa (1Sa 16:13). Davidba soiduba ĩjãbasi baera, jʉ̃ãbasi Jeowaba nekʼãrẽ oyeda.

Dayirãba bedʼea zroma erbʉdera biʼia krĩchadaibara, mõbe biʼia zokʼadaibara dayirã krĩchara bedʼea zroma ara oita (1Sa 21:12-14; Pr 1:4). Dayirãba bedʼea zroma erbʉ ara oita Daizeze Bedʼearadebamata zokʼapanʉmina, edaʉde bedʼea zroma jõ ẽ. Maʉ̃ta berabaribʉrʉdera dayirãbara jʉ̃ãbaibara Jeowaba kʼarebayeda. Aranʉ bʼai Jeowabara jõma jõbiyi bedʼea zroma dayirã sopʉabibʉra akʉza «Daizezebara jõma jõbiyi daʉbara» (Ap 21:4). Edaʉde bʉa bedʼea zroma erbʉta Jeowaba jõbiseabʉ, mamina maʉ̃ta berabari ẽ bʉrʉ kʼawuapanʉ: bedʼea zroma dayirãba erbʉra ewari jõmaʉ̃nẽ ba ẽ baita. Maʉ̃ kʼawuaiba dayirãta so zarea diabʉ.

BIDEO ẼBẼRARÃ NAɄ̃ DRɄADEBEMA ÃBAPANɄ Ẽ MINA DAIZEZE PɄWɄRɄRA ÃBAPANɄ ŨDUBIDA TẼÃ, PANɄRA NAɄ̃ WIDITA:

• ¿Kʼãrẽ bedʼea zromata ũdusida ʉ̃kʉrʉ Jeowa ʉ̃rʉ Kʼawuabipanʉrãra Estados Unidos barẽarera?

• ¿Ãyara sãwũã ũdubisida kãga erpanʉta akʉza jʉ̃ã kʼawuapanʉta?

• ¿Kʼãrẽta audre yibiabasi mebẽrãitara? (Flp 1:10).