¿Nekʼãrẽ kʼawua ẽ berabarinʉminanera ʉrʉma bʼaika?

Naʉ̃ ewari jõbodoarera audre ũdu wãnañi yõta akʉza ẽbẽrarã perabibʉta (Ap 6:4). ¿Mawũã berabaribʉrʉdera kʼãrẽta odaibara ʉrʉma bʼaita?

• Nekʼãrẽ Jeowade oita ʉrʉmabaibara. Krĩchara kʼãrẽ Daizeze Bedʼearadebemaba akʉza kʼãrẽ nebʉra Daizeze Bedʼeadebʉba kʼarebaseabʉta, Jeowade ĩjãita akʉza iyi organizasione, adewara kʼaiare ba ẽ baita (Pr 12:5; jr-S 125, 126 parr. 23, 24). Idi wedaʉba neũdukʼawua biata erpanaidua kongregasione (1Pe 4:7, 8).

• Bʉa nesidabʉta jõma erbara. Yikota wuagara akʉza nekʼãrẽ ora deda piki mĩrʉ bʼaibarabʉrʉ. Akʉza krĩchara kʼãrẽta oseabʉta dedaʉba mesera wãibarabʉrʉ. Akʉibara bolsota nekʼãrẽ erbaibara akʉza wuagara platata adewara nekʼãrẽ bʉ akʉita, bari jaraita tapabokarata, guanterata. Erbara sãwũã zõrãrãbawara bedʼeaita akʉza ãya bʉ sãwũã ũduita diara (Is 32:2; g17.5-S 3-7).

Nekʼãrẽ kʼawua ẽ berabarinʉmʉnera iduaribirãra Jeowaita nekʼãrẽ oita (Flp 1:10). Dedaʉba ãĩ wãita nesida ẽ bʉrʉ, deda bara (Mt 10:16). Bʉa erbʉra wuabemarabida diara (Ro 12:13).

BIDEO ¿BɄARA KʼÃRẼTA OI NEKʼÃRẼ MITIA DRɄADE BERABARIBɄTA ZERA? ŨDUBIDA TẼÃ, PANɄRA NAɄ̃ WIDITA:

• ¿Jeowabara sãwũã kʼarebaseabʉ dayirã nekʼãrẽ badu berabaribʉrʉdera?

• ¿Kʼãrẽta oibara ʉrʉma bʼaita?

• ¿Sãwũã wuabemarata kʼarebaseapanʉ?