¿Kʼawuabasika?

¿Eunukora kʼãrẽne wãbasi Felipeba iyi orraside?

BEDʼEA «chariot» (karru) Traducción del Nuevo Mundo de zokʼabʉ nekʼãrẽ bio ʉ̃rʉ bedʼeaita (Hech. 8:​28, 29, 38). Mamina naʉ̃ eunuko karrura audre yi zromabasibaibara karru yõbari akʉza wẽbabarira. Akʉdaya kʼãrẽa mawũã jarapanʉta.

Eunukora nokʼo wẽrã kʼarebabaribasi, iyira wawaraʉ̃ba zesi. Naʉ̃ yumakẽrãra «trajabasi Candaceita, nokʼo wẽrã Etiopíadebemaita, maʉ̃ba jõma zokʼabasi maʉ̃ yuwẽrã platara» (Hech. 8:27). Nawedara drʉa Sudán akʉza Egiptora ũdukʼawuapanasi Etiopía kĩrãkʼa. Maʉ̃ yumakẽrãra iyabaʉ karrude wã ẽ basibaibara akʉza wawara wã baera nekʼãrẽ mejãcha abasibaibara. Siglo nããrabemabasidera, karru ẽbẽra edebarira, ʉ̃rʉ debarachuasi akʉza jĩrʉ kimare chuasi. Libro abaʉba naʉ̃ta jarasi maʉ̃ra karru ʉ̃rʉ: «Maʉ̃ra karrubara kʼarebabasi nekʼãrẽ mejãcha edeita akʉza aduʼa wãbasi, adewara jĩga wãseabasi» (Acts—An Exegetical Commentary).

Felipeba eunuko orrasidera iyara nei lenʉmasi. Daizeze Bedʼeaba jarabʉ: «Felipera wẽbasi mama aramaʉ̃ta iya ũrĩsi [eunukoba] nemi jĩgʉa lenʉmʉta propeta Isaíasba bʉdata» (Hech. 8:30). Koche kabayoba edebarira mejãcha wẽba ẽ wãsi. Maʉ̃ koche pikãga wãbʉ baera eunukobara bia leseabasi akʉza Felipe jĩrʉne wãmina pẽwãseabasi maʉ̃ kochera.

Etiopeba «jarada ʉ̃rʉ jarasi Felipeʼa iyiʉ̃me ãba jewedamarẽã» (Hech 8:31). Koche wẽbabaridebemanera yi ẽbẽrarã piradrʉ wãibarabasi. Mamina karru ode wãbaridera Felipera eunukoʉ̃mera jeweda wãseabasi.

Hechos kapitulo 8de jarabʉ kʼarea akʉza yi nebʉraba jarabʉ kʼarea, dayirã kartaranera ũdubibʉ eunukora karru zromane wãta, mawũã ũdubi ẽ karru wẽbabaridebemane wãta, mawũã ẽ bʉrʉ yõnebemane wãta.