Jesu bei nãã sãwũã kĩrãduasi dayirã kayiruara

Dayirã kayiruara kĩrãduaseabʉ Jesuta dayirãbari beisi baera (Efes. 1:7). Daizeze Bedʼeaba jarabʉ Jeowabara kayirua nãã opananara kĩrãduasita, naʉ̃ba jarakĩrãbʉ Jesu bei nããbida Jeowaba kĩrãduabasita ẽbẽrarã kayiruara (Rom. 3:25). ¿Jeowabara sãwũã kĩrãduaseabasi ẽbẽrarã kayiruara Jesu bei nããra, iyara nekʼãrẽ aripe obʉbʉrʉ?

Jeowaba jaraside ẽbẽra abaʉdeba ẽdrʉbita ẽbẽrarã jõmaʉ̃ta, iyimara maʉ̃ra aripe berabarisi kĩrãkʼabasi maʉ̃ ewaride (Gén. 3:15; 22:18). Jeowabara biʼia kʼawuabasi Jesubara iya diaibara ewaride diaibasita iyi bebʉta ẽbẽrarã bari (Gál. 4:4; Heb. 10:​7-10). Iyi nama egorode baside Jeowaba zokʼabʉta obasi baera kĩrãduaseabasi ẽbẽrarã kayiruara iyi bei nãã. Ẽbẽrarã Jeowa ʉ̃rʉ ĩjãpanʉrãra iyara kʼarebasi (Mat. 9:​2-6).