Sãwũã kʼarebabʉ Jesus beidaba
Poagaza Jeowa ʉ̃rʉ Kʼawuabipanʉrãra akʉza ẽbẽra mejãchaʉta ãba yi jʉrepanʉ Jesus beida jẽda kĩrãbedaita iya zokʼada kĩrãkʼa. (Lucas 22:19). Jesus beida jẽda kĩrãbeiba kʼarebabʉ kĩrãbedaira akʉza biga diaita Jesuba nekʼãrẽ odabari ẽbẽrarã kʼarea.Akʉza ũdubibʉ sãwũã kʼarebabʉta iyi beidaba idi ewade akʉza ʉ̃ra zeide (Juan 3:16).
Bʉta maʉ̃ poagade jʉ̃ẽbeẽ basibʉrʉ Jesus beida jẽda kĩrãbeita mawũã ẽ bʉrʉ jʉ̃ẽsibʉrʉ, naʉ̃ba ¿sãwũã kʼarebaseabʉ? Jesusba jaradiasi nekʼãrẽ ũme oibarata:
1. Kʼawuaibara Daizeze ʉ̃rʉ akʉza Jesus ʉ̃rʉ. Jesus yi Zeze yiwidʼiside jarasi: «Ewari jõmaʉ̃nẽ bʼaira ũdukʼawuadaibara, bʉta Daizeze wãrĩnuara abapai bʉta akʉza Jesukristo bʉa zokʼadata» (Juan 17:3).
2. Bʉa kʼawua wãra oũdubira. Jesusba jaradiasi dayirabara oũdubibarata iya jaradiabʉra. Bari jaradaita katumane bedʼea bia jaradade iya jõita naʉ̃ bedʼeata jarasi ẽbẽrarãʼa: «Mʉ bedʼeata ũrĩpe aribʼae bʼʉra» (Lucas 6:46-48). Akʉza awuru ewaride jarasi: «Maʉ̃ta sãwũãta kʼawuadʼara Daizezebara sobia bʼeabiya aribʼaedʼara» (Juan 13:17).
¿Audre kʼawuakĩrãbʉka Daizeze ʉ̃rʉ akʉza Jesus ʉ̃rʉ? ¿Okĩrãbʉka bʉa kʼawua wãra? Nama ũduyi kʼãrẽba kʼarebaseabʉta.
Daizeze Bedʼea kʼawuara
Daizeze Bedʼea kʼawuaiba kʼarebayi bʉa owãita bʉa kʼawua wãta akʉza audre bia kʼawuaita Daizeze Bedʼeata.
Audre kʼawuaita akʉra pagina jarabʉ mae Bʉyikʉza Daizeze Bedʼea Kʼawuara.
Kʼawuaita sãwũã Daizeze Bedʼea kʼawuaita Jeowa ʉ̃rʉ Kʼawuabipanʉrabawara, akʉra bideo Bia zebʉrʉ Daizeze Bedʼea kʼawuaita.
Jeowa ʉ̃rʉ Kʼawuabipanʉrãbawara ãba yi jʉreiba
Jeowa ʉ̃rʉ Kʼawuabipanʉrãra ãba yi jʉrepanʉ semanane ũmebayeda ãba yi jʉrebari mae, Daizeze Nokʼo ʉ̃rʉ bedʼeabaride. Mama kʼawuapanʉ Daizeze Bedʼea ʉ̃rʉ akʉza jaradiapanʉ sãwũã oũdubibarata.
Mamara jõmaʉ̃ta ãba yi jʉreseapanʉ Jeowa ʉ̃rʉ Kʼawuabibari ẽ mina. Ãba yi jʉrebari eda wãseabʉ mawũa ẽ bʉrʉ akʉseabʉ internetʼneba.
Bʉa kʼawuakĩrãbʉbʉrʉ kʼãrẽta opanʉta ãba yi jʉre panʉne, akʉra bideo ¿Kʼãrẽta opanʉ Jeowa ʉ̃rʉ Kʼawuabipanʉrãbara ãyi ãba yi jʉrebʉmaera?
Jʉrʉda pagina Jeowa ʉ̃rʉ Kʼawuabipanʉrã ãba yi jʉrebarimae abʉmae, mawũã ũduita bʉ kʼaita ãba yi jʉrebari deta.
Kartara akʉza bideora internetʼnebʉba
Internetʼne ũduseabʉ artikulora akʉza bideorata, maʉ̃raba kʼarebayi kʼawuaita Jesusba jaradiabadata akʉza sãwũã kʼarebabʉta iyita dayirãbari beisi baera.
Bari jaraita, kʼawuakĩrãbʉbʉrʉ sãwũã yumakẽrã abaʉ beidaba ẽbẽrarã mejãchaʉta kʼarebaseabʉta, akʉra artikulora, «¿De qué manera nos salva Jesús?» Akʉza, «¿Por qué sufrió y murió Jesús»? Mawũã ẽ bʉrʉ akʉra bideo, ¿Por qué tuvo que morir Jesús?