¿Kʼaiba kʼarebai ẽbẽrarã yõne edabʉ ẽãrarã? ¿Daizeze Bedʼeabara kʼaseabʉ maʉ̃ ʉ̃rʉra?

Naciones Unidasba naʉ̃ra bedʼeata jarasi:

• 7 Octubredeba  23 octubre  bayeda, naʉ̃ poaga 2023de, Israel Gazaʉ̃me yõside ẽbẽrarã beisi 6.400 akʉza posida 15.200. Ʉ̃kʉrʉ ẽbẽrarã maʉ̃ yõne eda bʉ ẽ. Adewara mejãchaʉta wãĩbarabasi maʉ̃ drʉadeba.

• 24 Septiembre bayeda, poaga 2023de, ẽbẽrarã beisi 9.701, Ucrania Rusiaʉ̃me yõside akʉza 17.748 ẽbãrãra posida Ucraniane.

¿Kʼãrẽ bedʼea biata erbʉ Daizeze Bedʼeabara maʉ̃ra ẽbẽra zʉbʉrianʉmaitara?

Aranʉbai nebiata ũdudayi

Daizeze Bedʼeabara jarabʉ, Daizezeba «jõbiyi yõra naʉ̃ egorodera» (Salmo 46:9). Iya ʉ̃tʉ erbʉ nokʼo biata, maʉ̃ nokʼora zeyi nokʼora naʉ̃ drʉa debemara jõbita (Daniel 2:44). Daizeze Nokʼobara jõbiyi ẽbẽrarã zʉbʉria obʉra.

Akʉra kʼãrẽta oita Jesuba iya naʉ̃ drʉa zokʼabʉrʉde:

• «Iyara kʼarebai baera kʼãrẽ neẽãbʉ iyaʼa kʼareba widibʉra akʉza kʼaiba kʼarebai neẽãbʉra. So zʉbʉria akʉyi kʼãrẽ neẽãbʉra akʉza kʼaiba kʼarebai neẽãbʉra adewara ẽdrʉbiyi kʼãrẽ neẽãbʉra beidebara. Ẽdrʉbiyi bedʼea zromaneba akʉza kayiruadeba akʉza ãyi wara mejãcha yibiabayi iyitara» (Salmo 72:12-14).

Maʉ̃ nokʼodeba Daizezebara jõbiyi nekʼãrẽ jõma yõ ena edebʉra.

• «Daizezebara jõma jõbiyi daʉbara akʉza beira wuara neẽbayi, so zʉbʉriaira adewara zʉbʉria bedʼeaira neẽbayi, pʉa nãã ũdubadara neẽbayi» (Apocalipsis 21:4).

Aranʉbai Daizeze Nokʼobara awuara oyi nekʼãrẽ idi ũdupanʉra. Daizeze Bedʼeabara yi jaramabasi dayirãbara ũrĩnaibasita ʉ̃kʉrʉ drʉadera yonʉmʉta (Mateo 24:6). Naʉ̃bara ũdubibʉ nokʼora naʉ̃ drʉadebema aranʉbai jõita naʉ̃ drʉa jobodoare panʉ baera (2 Timoteo 3:1).