¿Kʼãrẽa ẽbẽrarã aduʼa baseapanʉ ẽ? ¿Daizeze Bedʼeabara kʼaseabʉ maʉ̃ ʉ̃rʉra?

Ʉ̃kʉrʉ nokʼoraba akʉza wuabema organizasionba jʉrʉbʉ sãwũã wuabemabawara aduʼa sobia panaita mamina ãyara oauda ẽ maʉ̃ra. Maʉ̃ta Segunda Guerra Mundial berabaridadeba, idi ewadera audre ʉ̃tabʉ yõra. Naʉ̃ drʉade 8 mil miyonebʉdebemata, ẽbẽrarã 2 mil miyonebʉta yõne edapanʉ.

¿Kʼãrẽa ẽbẽrarãbara jõmaʉ̃ta aduʼa babi ẽ? ¿Kʼãrẽta jarabʉ Daizeze Bedʼeabara maʉ̃ ʉ̃rʉ?

Bedʼea ũbeabʉ ẽbẽrarãba wãrĩnu aduʼa babibe ẽãta

1. 1. Ẽbẽrarãba nekʼãrẽ mejãcha obʉ, maʉ̃ba idi aduʼa babibe ẽ. Daizeze Bedʼeaba jarabʉ: «Ẽbẽrarãbara ãyitrʉ audre kãgadayi […] sewa nebʉrʉmiabayi […] bedʼea abarika zeda ẽ bayi [...] mia beamiabayi [...] bayi ariya sewabʉta, ũrĩkĩrã ẽãbʉta, bayi krĩchabʉta ãyide ʉ̃tabʉra neẽãta» (2 Timoteo 3:2-4).

2. 2. Ẽbẽrarã ãba zebʉrʉta mawũã ẽ bʉrʉ abapaiba araoda ẽ bedʼea zromara, Daizeze Jeowaa kʼareba neẽãra. Daizeze Bedʼeaba jarabʉ: «Yumakẽrãbara mia kʼãrẽsida zokʼabe ẽ nekʼãrẽ berabari ʉ̃rʉ» (Jeremías 10:23).

3. 3. Naʉ̃ drʉara Diaruba zokʼabʉ, mawũẽra iya krĩchabʉta obibʉ ẽbẽrarãra (Apocalipsis 12:9). Maʉ̃ kʼarea Diaruba naʉ̃ drʉa zokʼabʉedara bedʼea zromara mejãcha bayi (1 Juan 5:19).

¿Mawũẽra kʼai bʉrʉ wãrĩnu dayirãra aduʼa babiseabʉ?

Daizeze Bedʼeabara jarabʉ ẽbẽrabara dayirãra aduʼa babi ẽãta awuarabʉrʉ Daizezebʉrʉ mawũã oita.

• «Mʉ̃yikʉza bia ũdukʼawuabʉ maraita krĩchabʉra, (mawũã jarabʉ Jeowabara). Krĩcha zʉbʉria ẽ, neneẽã babita. Adewara jʉ̃ãbibʉ nebia ʉ̃rabʉrʉ zeita» (Jeremías 29:11).

¿Mamina Daizezebara maʉ̃ bedʼea zromara sãwũã ara oi? «Daizeze dazhi adu-a bʼabi bʼʉbara dããrã ẽãne panchi kʼobʼʉya ãtõmiã marã jẽrũ edre» (Romanos 16:20 Wycliffe, Inc.). Daizezeba naʉ̃ drʉa jõma zokʼabʉrʉde wãrĩnu neneẽã babiyi iyi Nokʼodeba (Lucas 4:43). Daizezeba jʉrʉsi Jesuta iyi Nʼoko zokʼamarẽã mawũã naʉ̃ drʉade bedʼea zroma ũdupanʉta jõbita. (Isaías 9:6, 7).

• Maʉ̃ ʉ̃rʉ audre kʼawuara naʉ̃ne: «¿Kʼãrẽta oi Daizeze Nokʼobara?»