¿Yõ zromata zeseabʉka naʉ̃ drʉa jõmaʉ̃nẽ? | ¿Kʼãrẽta jarabʉ Daizeze Bedʼeabara maʉ̃ ʉ̃rʉ?

Poaga 30bade ba ẽbẽrarãba krĩchabʉta naʉ̃ drʉara ara bia wãita. Mamina naʉ̃ ewari sãwũã berabaribʉba awuara krĩchabibʉ ẽbẽrarãra.

«Gaza pʉwʉrʉde yõ berabaribʉba ẽbẽrarã perabʉ awuru pʉwʉrʉrane abarika berabari kʼarea, Israel akʉza Hezbolá yõ jʉ̃drʉbʉrʉde» (Reuters, 6 enero 2024de).
«Irán pʉwʉrʉbara awuru pʉwʉrʉrabawara yõbʉ, adewara bombarata ojʉ̃drʉsida. Akʉza Rusiata Chinaʉ̃mera Irán pʉwʉrʉarebʉ» (The New York Times, 7 enero, 2024de).
«Rusia pʉwʉrʉbara idibasidu Ucrania pʉwʉrʉta zʉbʉria obʉ» (UN News, 11 enero, 2024de).
«China pʉwʉrʉra plata mejãcha bara wã akʉza gorogororata mejãcha erbʉ, Taiwán pʉwʉrʉra iyi pʉwʉrʉ kʼarea ʉ̃tabʉta krĩchabʉ akʉza Chinata Estados Unidosʼʉ̃mera bia wã ẽ. Maʉ̃ mawũã berabaribʉba obiseabʉ yõ zeita» (The Japan Times, 9 enero, 2024de).

Idi ewadera pʉwʉrʉrãra yõbʉ, ¿Daizeze Bedʼeabara kʼãrẽta jarabʉ maʉ̃ ʉ̃rʉra? ¿Naʉ̃ drʉa jõmaʉ̃nẽ zeika yõ?

Daizeze Bedʼeabara maʉ̃ta berabarita jarasi

Daizeze Bedʼeaba jarasi yõta mejãcha bʼaita akʉza maʉ̃ yõba ũdubita naʉ̃ ewari jõbodoarebʉta, adewara jõbita naʉ̃ drʉade aduʼa bʼaira, mamina jara ẽ basi saʉ̃ pʉwʉrʉrata yõita (Apocalipsis 6:4).

Daniel libroba jarabʉ kʼãrẽ, nokʼorãra yõnaita audre yi zroma bʼaita. Ũdubita kʼaita audre yi zromata põgata mejãcha edaibasi akʉza plata mama bʉeibasi (Daniel 11:40, 42, 43).

Yõta ara ba

Daizeze Bedʼeabara jarabʉ nama nekʼãrẽbʉra audre mitia wãita. Jesuba jarasi: «Mobebaira kʼãbãẽã zuburiatrʉ nʉmaña, ẽjũã osidʼadʼebemata idʼibasiidʼu mawũãrã ne ẽãta nʉmaña» (Mateo 24:21). Maʉ̃ zʉbʉria zroma jõbodoare zeyi Daizeze yõta (Armagedón) (Apocalipsis 16:14, 16).

Armagedónbara ẽbẽrarãra bea ẽ bayi awuarabʉrʉ ẽdrʉbiyi. Maʉ̃neba Daizezebara ẽbẽrarã nokʼora makenañi, ãya mejãcha webibʉ baera yõta. Kʼawuaita Armagedónba sãwũã aduʼa bʼai weita akʉra naʉ̃ra artikulota: