Yan Zabolotnyi/stock.adobe.com
DAUBA BʼAIDUA
Ẽbẽrarãbara ãya kãgabʉtrʉ owãna akʉza yõmia ba wã. ¿Kʼaseabʉ Daizeze Bedʼeabara?
Haití pʉwʉrʉra ẽbẽrarã yõmiaraba zʉbʉria onʉmʉ. Ẽbẽrarã yõmiarata mejãchabʉ baera Áfricata, Méxicota akʉza awuru pʉwʉrʉrata bia wã ẽ. Ʉ̃kʉrʉ pʉwʉrʉde mejãcha neẽ mina ẽbẽrarã yõmiarata, mawũãsidu ʉ̃kʉrʉ ẽbẽrarã krĩcha zroma opanʉ ãya notisiade mejãcha nezrʉgabʉ ʉ̃rʉ ũrĩpanʉ baera.
¿Daizeze Bedʼeabara kʼãrẽta jarasi naʉ̃ drʉade maʉ̃ berabari ʉ̃rʉra?
Daizeze Bedʼeaba naʉ̃ kʼãwũã berabarira yi jaramabasi
Daizeze Bedʼeabara yi jaramabasi «ewarinʉmʉ jõi ewaridera» ẽbẽrarãbara ãya kãgabʉtrʉ oita akʉza yõmiã bʼaita (Mateo 24:3). Jesúsbara jarabarisi maʉ̃ta berabarita:
«Bia ẽãta eababʉrʉba mejãchaʉba yara kãgada ẽ baya» (Mateo 24:12).
Daizeze Bedʼeaba jarabarisi ẽbẽrarãbara ewari jõbodoare nʉmʉnera «ãyi kakua zokʼa kʼawua ẽ bayi, mia beamiabayi, sobia neẽbayi» (2 Timoteo 3:1-5). Ẽbẽrarã mawũãpanʉ ũdupanʉba naʉ̃ drʉade mejãcha nekayiruata ũdu wãna.
Daizeze Bedʼeaba jarabʉ maʉ̃ nekayiruara jõbita.
«Aranʉbai neẽbayi jipa so kayiruaberãra, bʉa jʉrʉyi so kayiruabidabarimae, mamina ũdu ẽ bayi. Mamina ẽbẽra biarãra panañi egorode, ãyira ewari jõmaʉ̃nẽ jipa neneẽã panañi» (Salmo 37:10, 11).
Daizeze Bedʼea ʉ̃rʉ audre kʼawuara iya kʼãrẽ nebia wekĩrãbʉta akʉza idi ewade naʉ̃ drʉade kʼãwũã ũdupanʉba aripe berabaribʉ Daizeze Bedʼeaba jarada kĩrãkʼa. Akʉra naʉ̃ artikulorata:
«La esperanza real de un mañana mejor»
«¿Cuál es la señal de “los últimos días” o “los tiempos finales”?»