Jesura burrode bari Jerusalénʼena eda wãbʉ

¿Daizeze Bedʼeade propesiarabʉba ũdubibʉka Jesura Dayirã ẽdrʉbibaribasita?

Daizeze Bedʼeaba panʉbʉ

Mawũã. Jesubara Daizeze Bedʼeade eda jarabʉra dayirã ẽdrʉbibari ʉ̃rʉ jõma aripe berabaribisi nama naʉ̃ drʉaeda zeside (Daniel 9:25; 1 Juan 4:14). Jesu iyi beida tẽãbida aripe berabaribisi Daizeze Bedʼeade propesia jarabʉ ʉ̃rʉbida (Salmo 110:1; Hechos 2:34-36).

**¿Kʼãrẽta jarakĩrãbʉ bedʼea Mesíasbara?**

Bedʼea ebreo bedʼea Ma·shiʹach (Mesías) ẽbẽra bedʼeade (Dayirã ẽdrʉbibari). Bedʼea griego bedʼeade Khri·stos (Kristo) maʉ̃ra bedʼeabara jarakĩrãbʉ «Yi jʉrʉdapeadata». Mawũẽra Jesukristo bedʼeabara jarakĩrãbʉ «Jesu jʉrʉdapeadata», mawũã ẽ bʉrʉ «Jesu Dayirã ẽdrʉbibarita».

Daizeze Bedʼeade eda jarabʉ ẽbẽra aba aseiteta weapanasita mawũã wuabemara ũdubita iyira jidasidata wuabemara zokʼaita (Levítico 8:12; 1 Samuel 16:13). Daizezeba jidasi Jesura Dayirã ẽdrʉbibari bamarẽã, maʉ̃ra jipade yibia (Hechos 2:36). Jeowabara Jesura aseite iyi burude wea bʼai kaude iyi jaure zareata diasi (Mateo 3:16).

¿Daizeze Bedʼeaba jarabʉra Dayirã ẽdrʉbibari ʉ̃rʉ awuru ẽbẽrarãne berabariseabasika?

Mawũã ẽ. Huella digitaldeba ẽbẽra aba kʼaita kʼawuabʉ kĩrãkʼa abarika propesiaraba ũdubibʉ Dayirã ẽdrʉbibarira abapaibʉta, mawũãsidu Daizeze Bedʼeaba jarabʉ: «Zei baera yãrã sewaita kristo kĩrãkʼa akʉza propeta kĩrãkʼa, oyi miõba okata ẽbẽrarã sewaita, mawũã obʉba sewaseabʉ Daizezeba jidadarasida» (Mateo 24:24).

**¿Mesíasʼra ʉ̃rabʉrʉ zeita bʉka, ʉ̃ra zeidera?**

Mawũã ẽ. Daizeze Bedʼeaba jara ũrĩbibʉ Dayirã ẽdrʉbibarira zeibasita David mebẽrãneba, maʉ̃ra Israelde nokʼobasi (Salmo 89:3, 4). Jõma registrorãra mebẽrã Davideba zebadara nẽba wãsi, maʉ̃ra osidakĩrã poaga 70baside Jerusalén romanoraba jidaside.a Mamaʉ̃ba ʉ̃ta mia abaʉba jarabe ẽ iyira Davidʼdeba zedata, mamina Jesu ewaribasidera maʉ̃ra registrorãra basi, mawũẽra iyi nejʉraraba miõba jarabe ẽ basi Jesura mamaʉ̃ba zeda ẽãra (Mateo 22:41-46).

**¿Propesiaranera Mesíasʼra ʉ̃rʉ bedʼeabʉra kʼãrẽababʉ Daizeze Bedʼeadera?**

Kʼawua jarabe ẽ Dayirã ẽdrʉbibari ʉ̃rʉ sõbe propesiarabʉta. Ẽbẽrarãba propesia ʉ̃rʉ jarabʉrʉdera kʼãrẽababʉta awuara jarabʉ. Bari jaraita, Isaías 53:2-7ba jarabʉ Dayirã ẽdrʉbi bari ʉ̃rʉ nekĩrã bio. Ʉ̃kʉrʉba jarapanʉ maʉ̃ra propesiarãra jõma kĩrã awuarabʉta, ʉ̃kʉrʉba jarabʉ maʉ̃ra propesiarãra jõma iyabaʉta.

Daizeze Bedʼeaba Dayirã ẽdrʉbibari ʉ̃rʉ jaradara aripe berabarisi Jesudeba.

Kʼãrẽ berabaridata	Propesia	Sãwũã aripe berabaridata
Abrahánʼneba zesi	Génesis 22:17, 18	Mateo 1:1
Iyira zesi Isaacdeba, Isaacʼra Abrahán wũãwũãbasi	Génesis 17:19	Mateo 1:2
Tribu Judádeba zesi	Génesis 49:10	Mateo 1:1, 3
Nokʼo David mebẽrãneba zesi	Isaías 9:7	Mateo 1:1
Yi papara yi zakebasi	Isaías 7:14	Mateo 1:18, 22, 23
Belénʼne tosida	Miqueas 5:2	Mateo 2:1, 5, 6
Iyi trʉ̃ra Emmanuel basib	Isaías 7:14	Mateo 1:21-23
Iyi mebẽrãbara nekʼãrẽ mejãcha erba ẽ basi	Isaías 53:2	Lucas 2:7
Wũãwũãrata mejãcha beasida iyi todapeada tẽã	Jeremías 31:15	Mateo 2:16-18
Egiptodeba zesida	Oseas 11:1	Mateo 2:13-15
Trʉ̃gasida Nazarenoc	Isaías 11:1	Mateo 2:23
Iya jaradiai naweda awuru ẽbẽraba jaradiabasi	Malaquías 3:1	Mateo 11:7-10
Poaga 29de jidasida Dayirã ẽdrʉbibari bʼaitad	Daniel 9:25	Mateo 3:13-17
Daizezebara iyi warrata jarasi	Salmo 2:7	Hechos 13:33, 34
Daizeze deta mejãcha kãgasi	Salmo 69:9	Juan 2:13-17
Bedʼea biata jarakasi	Isaías 61:1	Lucas 4:16-21
Iya Galileade jaradiabʉde ũna kĩrãkʼabasi	Isaías 9:1, 2	Mateo 4:13-16
Moisésde kĩrãkʼa miõba okata osi	Deuteronomio 18:15	Hechos 2:22
Moisésde kĩrãkʼa Daizezeare bedʼeabasi	Deuteronomio 18:18, 19	Juan 12:49
Kayaberata mejãcha bebikʉasi	Isaías 53:4	Mateo 8:16, 17
Wuabemaraba bia akʉmarẽã jʉ̃ã ẽ basi	Isaías 42:2	Mateo 12:17, 19
So borekeabʉta ũdubisi yi zʉbʉriabʉra	Isaías 42:3	Mateo 12:9-20; Marcos 6:34
Daizezeba sãwũã aripe obʉta jaradiasi	Isaías 42:1, 4	Mateo 12:17-20
Ũrãgʼa bia jaradiabaribasi	Isaías 9:6, 7	Juan 6:68
Jaradiasi Daizeze trʉ̃ra Jeowata	Salmo 22:22	Juan 17:6
Yizadeba jaradiabasi	Salmo 78:2	Mateo 13:34, 35
Nokʼobasi	Daniel 9:25	Mateo 23:10
Mejãchaʉba ĩjãna ẽ basi iyi ʉ̃rʉra	Isaías 53:1	Juan 12:37, 38
Mõgaraba tenedrʉbibari kĩrãkʼabasi	Isaías 8:14, 15	Mateo 21:42-44
Ʉ̃kʉrʉba kãga ẽ basi	Salmo 118:22, 23	Hechos 4:10, 11
Bari ewarade jʉrasida	Salmo 69:4	Juan 15:24, 25
Burrude bari jʉ̃ẽside Jerusalén pʉwʉrʉ eda, ẽbẽrarãra iyi ʉ̃rʉ ibia bedʼeasi	Zacarías 9:9	Mateo 21:4-9
Wũãwũãrãra iyi ʉ̃rʉ ibia bedʼeasi	Salmo 8:2	Mateo 21:15, 16
Jeowa trʉ̃neba zesi	Salmo 118:26	Juan 12:12, 13
Iyi neũdukʼawuadebema abaʉba sewasi	Salmo 41:9	Juan 13:18
Plata 30 moneda bari nẽdo bʉesidae	Zacarías 11:12, 13	Mateo 26:14-16; 27:3-10
Iyi neũdukʼawuaraba amaesida	Zacarías 13:7	Mateo 26:31, 56
Ẽbẽrarã sewida omiaraba iyi ʉ̃rʉ aña jarasida	Salmo 35:11	Mateo 26:59-61
Iyi nejʉrara nããra kʼãrẽ jara ẽ basi	Isaías 53:7	Mateo 27:12-14
Daidusida	Isaías 50:6	Mateo 26:67; 27:27, 30
Buruma deguebisida	Miqueas 5:1	Marcos 15:19
Ubeasida	Isaías 50:6	Juan 19:1
Iyi posidamina kʼãrẽ jara ẽ basi	Isaías 50:6	Juan 18:22, 23
Nokʼoraba nekayiruata oita krĩchasida iyi ʉ̃rʉ	Salmo 2:2	Lucas 23:10-12
Bakurude tachisida jĩrʉma akʉza juwama	Salmo 22:16	Mateo 27:35; Juan 20:25
Suerteta osida iyi wua kʼarea	Salmo 22:18	Juan 19:23, 24
Akʉsida nekayirua omia kĩrãkʼa	Isaías 53:12	Mateo 27:38
Imitia jarasida akʉza bia akʉda ẽ basi	Salmo 22:7, 8	Mateo 27:39-43
Krĩcha ẽ basi yi kʼãrẽ nekayirua berabarita wuabemara ẽbẽrarã kʼarea	Isaías 53:5, 6	1 Pedro 2:23-25
Daizezeba idubʉda kĩrãkʼabasi	Salmo 22:1	Marcos 15:34
Diasida domarẽã bino oregueata ne soaeda	Salmo 69:21	Mateo 27:34
Iyi bei nãã obisiabasi	Salmo 22:15	Juan 19:28, 29
Iyibʉta jõma Jeowade ĩjãsi	Salmo 31:5	Lucas 23:46
Diasi iyi bebʉta	Isaías 53:12	Marcos 15:37
Diasi yi bebʉta mawũã nekayirua ãĩ bʉeita	Isaías 53:12	Mateo 20:28
Mia kʼãrẽ iyi bʉwʉrʉdebemara bʉa bʉeda ẽ basi	Salmo 34:20	Juan 19:31-33, 36
Miazuba susida	Zacarías 12:10	Juan 19:33-35, 37
Platabarabʉ kĩrãkʼa jousida	Isaías 53:9	Mateo 27:57-60
Jẽda piradrʉsi	Salmo 16:10	Hechos 2:29-31
Iyi sewadabari awuru ẽbẽrata wesida	Salmo 109:8	Hechos 1:15-20
Daizeze juwarare jewedabʉ	Salmo 110:1	Hechos 2:34-36

a Cyclopedia de McClintock akʉza Strongba jarabʉ: «Judioraneba registro zedarãra Jerusalén pʉwʉrʉ ma ãrĩsidade, ãrĩ wãsi mawũã maʉ̃ nããra ãrĩna ẽ basi».

b Bedʼea Emmanuel trʉ̃barabara jarakĩrãbʉ «Daizezerabʉta dayirãbawara». Maʉ̃ trʉ̃ba ũdubibʉ Jesuba kʼãrẽ obʉta, iya odaba ũdubibʉ Daizezerabʉta iyiʉ̃me kʼẽrẽpabʉbawara (Lucas 2:27-32; 7:12-16).

c Bedʼea ebreo bedʼeadera neʹtsera, jarakĩrãbʉ «bakuru jiwinita» maʉ̃ bedʼeadeba zebʉbaibara bedʼea Nazarenora.

d Daizeze Bedʼeabara jarasi Mesíasʼra zeita poaga 29de, bʉa maʉ̃ta audre kʼawuakĩrãbʉbʉrʉ akʉra artikulo «El profeta Daniel predice la llegada del Mesías».

e Naʉ̃ra propesiarabʉ libro Zacaríasde, mamina Mateoba jarasi Jeremíasneba bedʼeasita (Mateo 27:9). Nããrãra propesia bedʼea jarabadara ãba zebibasi, maʉ̃ne nããrabasi Jeremíasneta (Lucas 24:44). Mateora bedʼeasibaibara Jeremías ʉ̃rʉ, maʉ̃ librota nããra basi baera, mamina iyira wãrĩnu bʼaira bedʼeakĩrãbasi Zacarías ʉ̃rʉ.