¿Daizezebara trʉ̃ sõbe erbʉ?

Daizeze Bed’eaba panʉbʉ

Diazezera trʉ̃ara barabʉ. Hebreodera bʉchu יהוה (YHWH), ẽbẽra bedʼeadera jarabʉ «Jeowa».a Daizezebara propeta Isaíasdeba jarasi «mʉ̃ra Jeowa. Kaʉ̃ mʉ̃ trʉ̃ra» (Isaías 42:8). Daizeze trʉ̃ra 7.000 audre ũdupanʉ Daizeze Bedʼea nããra juwaba bʉda kikibaride, badu trʉ̃raira.b

¿Jeowabara awuru trʉ̃ta erbʉka?

Daizeze Bedʼeadera Daizeze trʉ̃ abapai jarabʉmina, bedʼea bio zokʼapanʉ Daizeze ʉ̃rʉ jaraita. Edre bʉa ũduyi arare ararebʉta kʼãrẽta jaradiakĩrãbʉta Daizeze ʉ̃rʉ.

Bedʼea	Daizeze Bedʼeade sama ũdubʉ	Kʼãrẽta jarakĩrãbʉ
Alá	(Neẽ)	Alá, maʉ̃ bedʼeara árabedebema. Trʉ̃ara ẽ maʉ̃bara jarakĩrãbʉ «Daizezeta». Daizeze Bedʼea árabede (akʉza awuru bedʼeade) Alá jarakĩrãbʉ Daizezeta.
Alfa akʉza Omega	Apocalipsis 1:8; 21:6; 22:13	Alfa yi letra nããbema kõbe omega yi letra jõbodoarebema, maʉ̃ra bedʼea griegodebema. Naʉ̃ba jarakĩrãbʉ̃ Jeowara yi nããbemata akʉza yi jõbodoarebemata, iyi nããra mia abaʉ Daizezeta neẽbasi akʉza iyi tẽãbida iyi kĩrãkʼabʉta neẽ. (Isaías 43:10).
Alfarero	Isaías 64:8	Naʉ̃bara zokʼabʉ ẽbẽrarãta akʉza pʉwʉrʉra jõma, ẽbẽraba egorodeba kʉgʉrʉ iyi juwaba kaekaea obʉ kĩrãkʼa (Romanos 9:20, 21).
Altísimo	Salmo 47:2	Yi zroma jõmaʉ̃ra ʉ̃ta.
Anciano de Días	Daniel 7:9, 13, 22	Daizezera kʼaiba parãna ẽ, iyira bakikibari akʉza bakikibariyi (Salmo 90:2).
Celoso	Éxodo 34:14	Daizezebara jʉra daizeze zeriẽã yiwidʼira. Iya jarabʉ mʉ̃ra mara Zeze baera, mʉ̃ara kãgabʉ mʉ̃a abaʉʼabʉrʉ yiwidʼidamarẽã.
Creador	Isaías 40:28	Nekʼãrẽ jõma parãsita.
Dios	Génesis 1:1	Jarakĩrãbʉ nekʼãrẽ baduʼa yiwidʼipanʉta akʉza maʉ̃ bedʼea zokʼabʉ ẽbẽra zareabʉta jaraita. Bedʼea Elohím hebreodebema, maʉ̃bara jarakĩrãbʉ Jeowara audre yi zroma baera akʉza jõma aripe obʉ baera wawiata ũdubidaibarata.
Dios bendito	1 Timoteo 1:11, Reina Valera	Naʉ̃ bedʼeabara jarakĩrãkʉ Daizezera mejãcha sobiabʉta (Salmo104:31).
Dios de dioses	Deuteronomio 10:17	Daizezetrʉ yi zroma wuabema daizeze zeri ẽãira (Isaías 2:8).
Maestro	Isaías 30:20, 21, La Biblia de las americas	Daizezebara jariadiabʉ dayirã sãwũã bia bʼaita (Isaías 48:17, 18).
Magnifico hacedor	Salmo 149:2	Nekʼãrẽ jõma parãsita (Apocalipsis 4:11).
Oidor de la oración	Salmo 65:2	Daizezebara ũrĩbʉ ẽbẽra naʉ̃ drʉa jõmaʉ̃nẽ iyaʼa soiduba yiwidʼibʉ bedʼeara.
Padre	Mateo 6:9	Bebʉ diabari.
Pastor	Salmo 23:1	Iyara akʉbʉ iyi odepanʉrata.
Redentor, Recomprador	Isaías 41:14; Reina-Valera	Ẽdrʉbibʉta ẽbẽra jõma nekayiruadeba akʉza beideba, maʉ̃ra ũdubʉ Jesu beidadeba (Juan 3:16).
Rey de la eternidad	Apocalipsis 15:3	Iyabʉrʉ ẽbẽra jõma zokʼaseabʉ akʉza ewari jõmabayi.
Roca	Salmo 18:2, 46	Iyira dayirã kʼarebabari akʉza ẽdrʉbibari.
Salvador	Isaías 45:21	Ẽdrʉbibʉ neida berabaribʉdeba, beideba akʉza makenaineba.
Santísimo	Proverbios 9:10	Iyira neneẽãbʉta wuabema ẽbẽrarãira.
Señor	Salmo 135:5	Naʉ̃ba jarakĩrãbʉ yibari, hebreo bedʼeade jarabʉ Adhóhn akʉza Adhoním.
Señor Soberano	Génesis 15:2	Nekʼãrẽ jõma zokʼabʉta. Hebreo bedʼeade jarabʉ Adhonái.
Supremo	Daniel 7:18, 27	Yi zroma jõmaʉ̃ra ʉ̃ta.
Todopoderoso	Génesis 17:1	Daizezetrʉ jõmaʉ̃ra ʉ̃ta zarea barabʉ. Hebreodebema bedʼea El Schaddái jarakĩrãbʉ «Daizeze nejõma oseabʉta», maʉ̃ra Daizeze Bedʼeadera 7 bayeda ũdubʉ
Yahvé Sebaot, Señor de los ejércitos	Isaías 1:9, Romanos 9:29, Biblia de Jerusalén, 1998	Iyara angelera jõma zokʼabʉ. Maʉ̃ bedʼeaba jarakĩrãbʉ «Jeowa gorogorora nokʼota» mawũã ẽ bʉrʉ «angelera NOKʼOTA» (Romanos 9:29, Traducción del Nuevo Mundo [con referencias], Nueva Traducción viviente).
Yo soy el que soy	Éxodo 3:14, Biblia de Jerusalén	Naʉ̃ba jarakĩrãbʉ Jeowaba jaradara wãrĩnu aripe obʉta akʉza maʉ̃ bedʼeara jarasepanʉ «Mʉ̃a jidabʉ mʉ̃a okĩrãbʉta» (Traducción del Nuevo Mundo [con referencias]; nota). Naʉ̃ba bia kʼarebabʉ ũrĩta kʼãrẽta jarakĩrãbʉta Daizeze trʉ̃ Jeowa, Éxodo 3:15de jarabʉta.

Awuru bedʼea Daizeze trʉ̃ erbʉta

Naʉ̃ bedʼeaba Jeowa trʉ̃ erbʉmina jarakĩrãbʉ ẽ iyi trʉ̃arata. Maʉ̃ kʼarea Daizeze ʉ̃rʉ bedʼeabʉrʉdera naʉ̃ trʉ̃ta zokʼada ẽ baibara.

Bedʼea	Daizeze Bedʼeade sama ũdubʉ	Kãrẽta jarakĩrãbʉ
Jehová - nisí	Éxodo 17:15	«Jeowara mʉ̃ jẽda kĩrãbebibarita» Jeowa pʉwʉrʉbara ãba zeda kʼãrãpe jʉrʉseabʉ Jeowa kʼarebata (Éxodo 17:13-16).
Jehová - salom	Jueces 6:23, 24	«Jeowa neneẽã aduʼabʉ».
Jehová - sama	Ezequiel 48:35, Reina-Valera	«Kamachu Jeowara».
Jehová - yiré	Génesis 22:13, 14	«Jeowaba diayi».

¿Kʼãrẽa yibia Daizeze trʉ̃ ũdukʼawuaita akʉza zokʼaita?

Daizezeitara iyi trʉ̃ mejãchade yibia, maʉ̃ kʼarea mejãcha bʉbisi Daizeze Bedʼeade (Malaquías 1:11).
Daizeze Warra Jesukristobara Daizeze trʉ̃ra badua jarabasi. Bari jaraita Jesu yiwidʼiside Jeowaʼa jarasi: Bʉ trʉ̃ra neneẽã baide bʉa» (Mateo 6:9; Juan 17:6).
Ẽbẽrarã Daizeze trʉ̃ ũdukʼawuabʉra akʉza zokʼabʉra Jeowa neũdukʼawuara baseabʉ (Salmo 9:10; Malaquías 3:16). Ẽbẽra Jeowa neũdukʼawuarabara ũdudayi Salmo 91:14ba bedʼea bia jarabʉta: «Daizezebara jarasi iya mʉ̃ta kãgabʉ baera, mʉ̃ara ẽdrʉbiyi. Iya mʉ̃ta ũdukʼawuabʉ baera mʉ̃ara iyira akʉyi».
Daizeze Bedʼeaba jarabʉ: «Mejãchaʉba jarapanʉ daizeze mawũã ẽ bʉrʉ señor nekʼãrẽ ʉ̃tʉ bʉta akʉza nama egorode bʉta» (1 Corintios 8:5, 6). Mamina Jeowa trʉ̃ jarabʉrʉdera ũdubibʉ kʼaita wãrĩnu Daizezearata (Salmo 83:18).

a Ʉ̃kʉrʉ hebreo bedʼea biʼia kʼawuabʉbara jarapanʉ «Yahweh» mawũã ẽ bʉrʉ «Yahvé».

b Bedʼea Jah, maʉ̃ba jarakĩrãbʉ Jeowa. Maʉ̃ra Daizeze Bedʼeadera ũdupanʉ 50 audre. Bari jaraita Bedʼea Aleluyabara, jarakĩrãbʉ Jah ʉ̃rʉ ibia bedʼeaita (Apocalipsis 19:1).