(Génesis 6:13) Mõbe Daizezeba jarasi Noéʼa: «Mʉ̃ara jõma jõbiyi zokʼaipanʉrãra, naʉ̃ drʉara nemitiaba birasi baera, ẽbẽraba mawũã obʉ baera. Maʉ̃ kʼarea mʉ̃ara jõma makenañi ãyira adewara imañi drʉara.

(Génesis 6:14-16) Ora bʉita jãba zromata bakuru biaba, ora korra zakerata bʉita akʉza nedʉwʉrʉraita, adewara zoara breaba ewarade akʉza eda. ¹⁵ Mawũã ora: drasoara erbaibarabasi 133 metros, 22 metros joubʉa erbaibarabasi akʉza 13 metros ʉ̃ta yi zroma baibarabasi; ¹⁶ jãbara kʉda ũbea chuaibarabasi, kʉda aba, kʉda ũme akʉza kʉda ũbea; adewara 44.5 sentimetros bentanata oibarabasi jãba buru edre, mawũã ʉ̃na bamarẽã adewara jãba zromanera puerta aba baibarabasita.