BʼAITA KRISTIANORA KĨRÃKʼA
«Balbʉeidua nekʼãrẽ oma jãpeba zedara»
Maʉ̃ ewaridera ley neẽbasimina nekʼãrẽ oma yiwidʼira zeri ẽã abʉta, Jacobʼbara kʼawuabasi Jeowabʉrʉ yiwidʼibarata (Éx 20:3-5). Maʉ̃ kʼarea Jeowaba Betelma jẽda wãmarẽã jaraside, Jacobʼba jarasi yi mebẽrã akʉza jõmaʉ̃ʼa iyi kʼawapanʉra, balbʉedamarẽã nekʼãrẽ omara. Aramaʉ̃ta Jacobʼbara jõma jousi, kʉwʉrʉde jʉ̃bʉta nʉ̃gʉda ẽ marẽã adewara nekʼãrẽ omarata (Gé 35:1-4). Jeowabara bia akʉsi Jacobʼba odara.
Idi ewadera, ¿sãwũã Jeowaʼa abapaiabʉrʉ yiwidʼibara? Nããra dayirãbara jʉrʉ ẽ baibara nekʼãrẽ omata akʉza jaidebemata. Naʉ̃ba jarakĩrãbʉ dayirãbara balbʉeibarata nekʼãrẽ jõma jaidebemara adewara jʉra kʼawua bʼaibara dayirãba akʉbʉta mawũã ẽ bʉrʉ ũrĩbʉta. Krĩchara: «¿Lebʉka librota akʉza akʉbʉka pelikula bampiro ʉ̃rʉ, zombi ʉ̃rʉ akʉza jai ʉ̃rʉ jarabʉta? ¿Mʉ̃a akʉ kĩrãkʼa maʉ̃ranebemara?». Dayirãbara oẽ baibara Jeowaba jʉrabʉra (Sl 97:10).
BIDEO «JɄRAIDUA DIARURA» ŨDUBIDA TẼÃ, PANɄRA NAɄ̃ WIDITA:
¿Palesa Daizeze Bedʼea ʉ̃ra kʼawuabʉra, kʼãrẽ bedʼea zromata erbʉ?
¿Kʼãrẽa yibia zõrãrã kʼareba jʉrʉira jaiba bedʼea zroma erbʉbʉrʉ?
Jʉraidua Diarura akʉza Daizeze kʼaita baidua (Snt 4:7, 8).
Jeowaba dayirãta kʼarebamarẽãra, ¿kʼãrẽta balbʉeibara?
¿Kʼãrẽta osi Palesabara?
Bʉ bʉmaera, ¿kʼãrẽta oibara angelera kayiruaba neida oẽ marẽã?