Dayirãba kartara zokʼabʉta iduaribi ẽ baibara

2018deba ʉ̃ta, dayirãba karta jõmaʉ̃itabʉra zokʼabadara bedʼea aba bedʼeabʉ. Maʉ̃ra kartarãrabʉ nekʼãrẽ jaradiabarimae, maʉ̃ kʼarea zokʼaseapanʉ jaradia wãbʉrʉde. Ne eda wãbʉrʉde akʉza ode wãne maʉ̃ranebemata edeseabʉ. Maʉ̃ra kartara Daizeze Bedʼea kʼawuabibarita zokʼada ẽ mina, obiseabʉ Daizeze ʉ̃rʉ audre kʼawuakĩrãita.

Ẽbẽraʉ̃me bedʼeabʉrʉde Daizeze Bedʼeadebemata jara ũrĩbira, adewara ũdubira maʉ̃ kartadebemata maʉ̃ ẽbẽramabʉta. Bari jaradaita, maʉ̃ ẽbẽraba mebẽrãta erbʉbʉrʉ, sobia ẽãbʉbʉrʉ mawũã ẽ bʉrʉ krĩcha zroma obʉbʉrʉ, naʉ̃ bedʼeata jaraseabʉ: «Aranʉ eda mʉ̃a maʉ̃ ʉ̃rʉ akʉbasi. ¿Akʉbiseabʉka mʉ̃ara?». Maʉ̃ ẽbẽraba ũrĩkĩrãbʉbʉrʉ diaseabʉ kartata mawũã ẽ bʉrʉ zokʼaseabʉ internetʼneba. Maʉ̃ra oseabʉ yi nãã bedʼeabʉrʉde. Jaradia wãbʉrʉdera bari oda ẽ kartara dedekadaita, mamina maʉ̃rabara kʼarebaseabʉ ũduita wãrĩnu Daizeze ʉ̃rʉ kʼawuakĩrãbʉta (Hch 13:48).

2018

2019

2020