BʼAITA KRISTIANORA KĨRÃKʼA
Yibarira, jaradiara mara wũãwũãra sãwũã ãyikʉza yi akʉ kʼawuaita
Naʉ̃ drʉabara jaradiabʉ nemitiara nebia kĩrãkʼa akʉmarẽã akʉza nebiata nekayirua kĩrãkʼa akʉmarẽã (Is 5:20). Ẽbẽrarã mejãchaʉba obʉ Jeowaba jipa jʉrata, maʉ̃ba ẽbẽrarãbara edaude opanabari, abari yuwẽrãraʉ̃me ãba yi erkʼãĩta akʉza abari yumakẽrãraʉ̃me ãba yi erkʼãĩta. Ʉ̃kʉrʉ kopaerora kolegiodebemaba jaraseabʉ dayirã wũãwũãra odamarẽã ãya obʉ kĩrãkʼa. Yibarira, ¿marabara sãwũã kʼarebaseabʉ mara wũãwũãrãra maʉ̃ bedʼea zromane eda bae ẽ marẽã?
Jaradiara Jeowaba zokʼabʉde (Le 18:3). Ãyi wari wãbʉrʉza jaradiara Daizeze Bedʼeaba kʼãrẽta jaradiabʉta mia erkʼãĩ ʉ̃rʉ (Dt 6:7). Mayikʉza wididua: «¿Bʉara jaradiabʉka bʉ wũãwũãrarã kʼãrẽta oibarata idu yi tãbi ẽ marẽã? ¿Wũãwũãrabara kʼawuabʉka sãwũã wua bia jʉ̃ kʼawuaibarata? ¿Ãyara kʼawuabʉka wuabemarabara ãyira wawia ũdubidaibarata? Akʉza, ãyaʼa ũdubikĩrãpanʉbʉrʉ ẽbẽrarã ãkadabeta mawũã ẽ bʉrʉ jarara ãya nekayiruata omarẽã, ¿ãyara kʼawuabʉka kʼãrẽ oita?». Maʉ̃ta ãya kʼawuapanʉbʉrʉ eda bedʼea zromane bae ẽ bayi (Pr 27:12; Ec 7:12). Dayirãba dayirã wũãwũãta biʼia dapʉẽbʉbʉrʉ, ũdubiyi Jeowaʼa biga diabʉta ãyi kʼarea (Sl 127:3).
BIDEO PARÃNAIBARA DE TEITEABɄTA. JARADIAIBARA DAYIRÃ WŨÃWŨÃRA KʼÃRẼTA «NEKAYIRUARA» ŨDUBIDA TẼÃ, PANɄRA NAɄ̃ WIDITA:
¿Kʼãrẽa ʉ̃kʉrʉ yibariraitara zarea bedʼeaita ãyi wũãwũãra mia erkʼãĩ ʉ̃rʉ?
¿Yibarirabara sãwũã dapʉẽibara yi wũãwũãrãra «Jeowaba kãgabʉde akʉza ũrãgʼa bia diabʉde»? (Ef 6:4).
Daya kʼawuabʉdeba kʼarebabʉ.
¿Jeowa organizasionbara kʼãrẽ nebiata diabʉrʉ yibariraba zokʼadamarẽã? (w19.05-S 12).
¿Kʼãrẽa yibia yibarirata yi wũãwũãrabawara bedʼea bʼaita, ãyi bedʼea zroma ũdui nãã?