YI 18

Bedʼea bia jaradiaita

YI 1 Corintios 9:19-23

JARAKĨRÃBɄ: Krĩchabigara yi ũrĩpanʉrãra. Krĩchabira ãya kʼawuanʉmʉra ãyita bigata.

Krĩchara ẽbẽrarãba kʼãrẽ bedʼea kʼawuapanʉ ʉ̃rʉ. Bʉa yi wuabemaraba kʼawuapanʉ ʉ̃rʉ jaraibarabʉrʉ, maʉ̃ bedʼeadeba ne awuruta kʼawuabira.

Mejãcha bedʼea ẽ baibara bedʼea yi ũrĩpanʉraba kʼawuapanʉ ʉ̃rʉ, awuarabʉrʉ audre bedʼeaibara ãya ũrĩka ʉ̃rʉ.
Kʼawuara akʉza biʼia krĩchara. Bʉa bedʼea awuruta jʉrʉseabʉ yi ũrĩpanʉraba ũrĩkata. Mamina biʼia akʉkʉ bʼaibara maʉ̃ bedʼeara bʉa jaradiakĩrãbʉme abarika bamarẽã.

Bʉa maʉ̃ bedʼea akʉnʉmʉne bʉyikʉza krĩchaibara naʉ̃ra widi ʉ̃rʉ, ¿kʼãrẽ?, ¿kʼãrẽa?, ¿sama?, ¿sõbede?, ¿kʼãita? akʉza ¿sãwũã? Bʉ bedʼeabʉrʉde maʉ̃ta widibʉbʉrʉ audre biʼia oyi.
Ũdubira maʉ̃ bedʼeara sãwũã oseabʉta ẽbẽrarã. Biʼia jara ũrĩbira sãwũã yi ũrĩpanʉrãra Daizeze Bedʼearadebemaba kʼarebaseabʉta ewariza. Biʼia jara ũrĩbira sãwũã oseapanʉta ãyi deda, ãyi wũãwũãrãbawara, ãyi kʼãrẽ krĩchabʉde akʉza ãyi sãwũã sentibʉde.