YI 1

¿Dayirãbara sãwũã ũrĩsea bʉpe Daizezera?

Daizezera Bedʼeabʉ iyi bedʼea deba (Romanos 15:4, DB)

Daizezeba ʉ̃tʉ bajãneba, yi Bed’ea bʉbinʉmu ẽbẽrãra

Jõma Daizeze krĩcharabʉ, iyi bedʼeade. Iya bʉbisi ʉ̃kʉrʉ yumakẽrãra iyi krĩchata. Iyi bedʼeadebʉ ũrãg’a biata, maʉ̃ta Daizezebara kãgabʉ kʼawua damarẽã dayirãba.

Mia kʼaiba kʼawua ẽ Daizeze dʼeabara, maʉ̃ kʼãrẽa iyara kʼaʉbʉ saʉta yibiata dayiraĩtara. Maʉ̃ta ũrĩnarã bia krĩchayi, akʉza bia wãñi (Proverbios 1:5).

Daizeze Bed’eara bed’ea awuara awuarakabʉ; ẽbẽra abaʉba Daizeze Bed’eata akʉbʉ iyi bed’eade

Daizezebara kãgabʉ ẽbẽra jõmaʉ̃ba aku damarẽã iyi bedʼeata, maʉ̃ kʼãrẽa Daizeze Bed’eara bedʼeabʉ, bedʼea awuara awuaraka naʉ̃ drʉa jõmaʉ̃nẽ.

Dayirãba ũrĩ kĩra panʉ bʉrʉ, akʉza kʼawua kĩra panʉ bʉrʉ, akʉi bara Daizeze Bedʼeade.

Naʉ̃ drʉa jõmaʉ̃nẽ, ʉ̃kʉrʉ ẽbẽrarãba ũrĩ panʉ Daizeze Bedʼeara (Mateo 28:19, DB)

Jeowa ʉ̃rʉ K’awuabipanʉrã abaʉba ũdubibʉ Daizeze Bed’eata ẽbẽra abaʉ’a, maʉ̃re Daizeze Bed’ea k’awuapanʉ

Jeowa ʉ̃rʉ kʼawuabipanʉrãba k’arebayi bia k’awuaita Daizeze Bedʼeata.

Jeowa ʉ̃rʉ kʼawuabipanʉrãbara jaradia panʉ wãrĩnuta, Daizeze ʉ̃rʉ naʉ̃ drʉa jõmaʉ̃nẽ.

Ãba yi jurepanʉ Jeowa ʉ̃rʉ K’awuabipanʉrã Daizeze Nok’o ʉ̃rʉ bed’eabarideda

Bʉa kʼawua seabʉ audre Daizeze ʉ̃rʉ, wãrã Jeowa ʉ̃rʉ kʼawuabipanʉrãbawara ãyi ãba yi jʉrebʉmae. Jõma ãya jaradia bʉra bari jaradia panʉ.