Yi kãga ũdubi panʉ bʉrʉ, yi mebẽrã bawarã zobia panañi (Efesios 5:33)

Daizezebara jarabʉ, yumakẽrãta yuwẽrã ũme, juwa jidai barata.

Kima biabara kãga ũdubibʉ yi kimara, akʉza bi-ia akʉbʉ.

Yuwẽrãbara kʼarebabʉ yi kimara.

Wũãwũãbara ũrĩ bara yi barira bedʼeara.

Juwa jida darãbara zʉbʉria obe ẽ yi kimara, akʉza aĩ babe ẽ (Colosenses 3:5, 8-10)

Daizeze Bedʼeabara jarabʉ, yumakẽrãbara kãgaĩ barata yi kimara iyi kʉza kãgabʉ kĩrãk’a. Adewara yuwẽrãbara wawia ũdubi bara yi kimara.

Juwa jida seabʉa ẽbẽra abaũme bʉrʉ, akʉza maʉ̃me bʉrʉ ãba k’ãĩseabʉ.

Daizeze Bedʼeabara jaradiabʉ, sãwũã zobia bai barata yi mebẽrã bawarãrã.

Orarã ne kʼãrẽ Daizezeba jura bʉta (1 Corintios 6:9, 10)

Dayirãba kãgabʉ bʉrʉ Daizezeta, oda ẽ bayi iya kãga ẽãta.

Daizezebara kãga ẽ nezrugaira, itua doira, akʉza chirua kayirua buratʉma doira.

Daizezebara kãga ẽ wũãwũã ʉrʼa bʉeita, akʉza abari yumakẽrã kãgaita, akʉza abari yuwẽrã kãgaita. Adewara kãga ẽ mia beaira, akʉza platata mejãcha jʉrʉira, adewara kãga ẽ yõmia baira.

Dayirãra yiwid’i ẽ baibara santoara, akʉza oda ẽ baibara jaira.

Ẽbẽra naʉ̃ kayirua obʉra ba ẽ bayi, naʉ̃ drʉa ẽjũã kĩrãwãreã babʉrʉdera.

Ne bia oibara wuabemarãita (Mateo 7:12, DB)

Jeowara zobiabʉ dayirãba obʉrudera, iyide kĩrãk’a.

Bʉra ẽbẽra bia baibara ẽbẽra jõmaʉ̃me, awurua nebari diaita mawʉã ũdubiyi kãgabʉta.

Wãrĩnuta jarada akʉza sewa ẽ bai bara ẽbẽrarã.

Kirãduai bara wuabema ẽbẽraba odara.

Bedʼeara wuabemara Daizeze ʉ̃rʉ (Isaías 43:10).

Daizezearebara (1 Pedro 5:6-9)

Pera ẽ baibara daya ne kʼãrẽ obada idu bʉita, Daizeze Bedʼeaba jarabʉ ẽade obadata.

Politiko bawarã ãba barãra, awʉara bʉrʉ Jeowaare baĩbara, akʉza iyi Nokʼoare.

Daizezeta ũrĩra audre bia wãñi (Mateo 7:24, 25, DB)

Wãra Jeowa ʉ̃rʉ kʼawuabipanʉbawarã ãyi ãba yi jurebʉ mae. Ãya k’arebayi ũdu kʼawuabita Daizeze ʉ̃rʉ.

Daizeze ʉ̃rʉ kʼawua wãra, akʉza ora iya zokʼa bʉta.

Bʉa wãrĩnu ĩjã bʉrʉde Daizezeta, ewari jõmaʉ̃nẽ baita krĩchara Jeowa ode maʉ̃are bʉrʉ kʼoera (Mateo 28:19, DB).

Bʉta ewari jõmaʉ̃nẽ bakĩrabʉ bʉrʉ, ora bʉa kʼawua wãta. Mõbe ũrĩra Daizeze Bedʼeata, akʉza akʉra iyi bedʼeata Jeowa ʉ̃rʉ kʼãwuabipanʉrãbawara (Juan 17:3, DB).