BʼAITA KRISTIANORA KĨRÃKʼA
¿Sãwũã audre ĩjãseapanʉ Daizeze Bedʼeara?
Daizeze Bedʼeabara dayi bebʉra awuara babiseabʉ (Heb 4:12). Mamina dayirãba ĩjãpanʉbʉrʉ Daizeze Bedʼeara Daizezedeba zesita iya ũrãgʼa diabʉra ũrĩñi, mawũã dayirãra bia wãñi (1Te 2:13). ¿Sãwũã audre ĩjãseapanʉ Daizeze Bedʼeara?
Ewariza leibara Daizeze Bedʼeata. Daizeze Bedʼea lebʉrʉde jʉrʉda wãrĩnu Daizezedeba zesi kʼawuaita. Bari jaraita, akʉseabʉ Proverbios librode ũrãgʼa biabʉta akʉza sãwũã idibasidu yibiata maʉ̃ ũrãgʼara (Pr 13:20; 14:30).
Jʉrʉda bʉa audre kʼawuakĩrãbʉ ʉ̃rʉ. Jʉrʉibara Daizeze Bedʼeara wãrĩnu Jeowa jaure zareaba bʉbisi kʼawuaita. Maʉ̃ kʼawuaita jʉrʉda Guía de estudio para los testigos de Jehová, maʉ̃ tẽã jʉrʉda «La Biblia» abʉmae, maʉ̃ne eda jʉrʉda «Inspirada por Dios» abʉmae. Akʉza dayirãba audre ĩjãita Daizeze Bedʼeaba awuara jarabʉ ẽãta akʉseabʉ apendise A3 Traducción del Nuevo Mundo de.
BIDEO KʼÃRẼA ĨJÃPANɄ DAIZEZE BEDʼEATA ŨDUBIDA TẼÃ, PANɄRA NAɄ̃ WIDITA:
Pʉwʉrʉ Karnak (Egipto) templo parede bedʼea ũdudabara, ¿sãwũã ũdubibʉ Daizeze Bedʼeabara wãrĩnu jarabʉta?
¿Sãwũã kʼawuapanʉ Daizeze Bedʼeara awuara oda ẽ basidata?
¿Kʼãrẽta jaradiabʉ dayirãʼa Daizeze Bedʼea wabidabasidu bʉbara? (Akʉra Isaías 40:8).