Sãwũã kʼarebaita drʉade neida berabaribʉrʉde

Drʉade neida berabaribʉra ewariza audre berabaribʉ. Mawũã berabaribʉrʉdera yibia jʉrʉita ẽbẽrarã maʉ̃ne kʼarebadamarẽã. Maʉ̃ kʼarea Zõrãrã Burubiabara jʉrʉsida sukursalza Departamento drʉade neida berabaribʉrʉde kʼarebabarita.

Departamento drʉade neida berabaribʉrʉde kʼarebabariba kʼawuabʉrʉde sama mawũã berabarisita, bedʼeapanʉ yi neida berabaridamae zõrãrãbawara, kʼawuaita sãwũã kʼarebaita mamabema mebẽrãra. Mamina mamabema mebẽrãba kʼawua ẽ bʉrʉ sãwũã ara odaita yi nemãrĩnara, ãya jʉrʉpanʉ awuru mebẽrã maʉ̃ okʼawuabʉta. Adewara nekʼãrẽ widibʉ mebẽrã yi zʉbʉriabʉ kʼarebadaita.

Mawũã opanʉba biode kʼarebabʉ jõma daucha opanaita. Naʉ̃ba kʼarebabʉ baera ewari adua ẽ baita, bari ewarade traja ẽ baita akʉza plata bari ewarade gasta ẽ baita, mebẽrã aba abakaʉba ãya kãgabʉta opanasibʉrʉ, jõma daucha erpana ẽ bakasi.

Mebẽrã betelba jʉrʉdabʉrʉ kʼawuabʉ plata sõbe jʉrʉibarata akʉza mebẽrã sõbe jʉrʉibarata mebẽrã zʉbʉriabʉ kʼarebadaita. Akʉza naʉ̃ra mebẽrãbara bedʼeaseabʉ nokʼorabawara mawũã mesera kʼarebadaita. Maʉ̃ kʼarea biga ẽ bayi dayidobaʉba jʉrʉita platata, nekʼãrẽ wuabemaraba nesidabʉta mawũã ẽ bʉrʉ wãita drʉade neida berabaribʉma, maʉ̃ta oẽ baibara dayirãʼa mawũã omarẽã jarada ẽ basibʉrʉ.

Mamina drʉade neida berabaribʉrʉdera dayirãbara kʼarebakĩrãbʉ (Heb 13:16). Kãgapanʉ dayirã mebẽrãra, maʉ̃ kʼarea, ¿kʼãrẽta odaibara ãyi bari? Yiwidʼibara mebẽrã zʉbʉria berabarida ʉ̃rʉ akʉza mebẽrã kʼarebapanʉra ʉ̃rʉ. Adewara soiduba donasion diaseabʉ. Zõrãrã Burubia kʼarebadeba sukursalrabara kʼawuabʉ maʉ̃ plata kʼãrẽne gastaita. Dayirãba kʼareba wãkĩrãbʉbʉrʉ drʉade neida berabaridamae birara naʉ̃ kartata Solicitud de voluntario local de diseño y construcción (DC-50), mõbe zokʼa bʉera.

BIDEO BRASILDERA DOTA MEJÃCHA BERABARISI ŨDUBIDA TẼÃ, PANɄRA NAɄ̃ WIDITA:

Brasilde poaga 2020de doba oside, mebẽrãba sãwũã kʼarebadata ¿saʉ̃ta audre kãgasi bʉara?