Bʉyi bedʼeabʉde jara ũrĩbita

YI 2 Corintios 2:17

JARAKĨRÃBɄ: Bʉyi bedʼeabʉde bedʼeara akʉza wãrĩnu bedʼeabʉta ũdubira. Mawũã obʉbʉrʉ ũdubiyi bʉa kʼãrẽta sentibʉta bʉa jarabʉ ʉ̃rʉ akʉza yi wuabemara ʉ̃rʉ krĩchabʉta.

SÃWŨÃ OSEABɄ

• Yiwidʼira Daizezeʼa akʉza krĩchara biʼia sãwũã oita. Jeowaʼa kʼarebamarẽã jarada bʉ pera ẽ baita. Bʉa nããra biʼia kʼawuabaibara bʉa kʼãrẽta jaradiakĩrãbʉta. Jara ũrĩbira bʉyi bedʼeabʉde. Adewara akʉrãra kartade bʉtrʉ.

• Soiduba bedʼeara. Krĩchara wuabemaraba kʼãrẽa ũrĩta nesidabʉta naʉ̃ bedʼea bʉa jarai erbʉra. Yi wuabemarabara kʼawuadayi bʉ wãrĩnu bedʼeabʉra bʉ kĩrãneba, bʉ juwa sãwũã zokʼabʉdeba adewara ũdubiyi bʉara ẽbẽrarã ʉ̃rʉ krĩchabʉta.

• Akʉra yi ũrĩpanʉrama. Bʉ drʉade bigabʉrʉ kĩrãbita akʉita, kĩrãbita akʉra. Ẽbẽra aba abaka akʉ wãibara bʉ diskurso dianʉmʉnera.