Zokʼara dai pagina JW.ORG ta Daizeze bedʼea jaradiabʉrʉde

Dai pagina internetʼnebʉ bideorata akʉza kartarata maʉ̃ra jõma yibia ẽbẽrarãita (Hch 13:48). Maʉ̃ra bedʼeabʉ ẽbẽrarãba krĩchabʉ ʉ̃rʉ akʉza bedʼeabʉ ʉ̃rʉ.

¿Sãwũã zokʼaseabʉ dai pagina internet jw.org ra Daizeze bedʼea jaradiabʉrʉde?

• Badua akʉra dai pagina internetʼnebʉta. Bia akʉra kʼãrẽ bedʼea yiwidita ʉ̃tʉ zebʉta akʉza tẽã krĩchara maʉ̃ bedʼea sãwũã ẽbẽrarã jaradiaita. (Artikulora pagina nããrabemane badata akʉita, katʉra «Ver más» abʉmae). Badua akʉbʉbʉrʉ dai pagina internetʼne kʼãrẽ bedʼea yiwidita ʉ̃tʉ zebʉta maʉ̃ba kʼarebayi kʼãrẽ ʉ̃rʉ bedʼeaita.

• Zokʼara bideora akʉza artikulora dayirã pagina internetʼne yi nããrabemanebʉta. Naʉ̃ba kʼarebabʉ kʼawuaita kʼãrẽta berabarinʉmʉta dayirã Daizeze Bedʼea jaradiapanʉmae.

• Ẽbẽrarã ũdubira dayirã pagina internetʼne yi nããrabemanebʉta. Ũdubira saʉ̃ bedʼeata audre yibiata akʉza jaradiara sãwũã zokʼaibarata.

• Diara linkta ẽbẽrarãba ʉ̃tʉ zebimarẽã bideorata akʉza kartarata. Ʉ̃kʉrʉ ẽbẽrabara ũrĩkĩrã dayirãba jaradiabʉra mamina eda wãseabʉ dayirã pagina internetʼne, maʉ̃ kʼarea naʉ̃ linkta dia bʉera ãya akʉmarẽã dayirã bideorata akʉza kartarata.