Nekʼãrẽ oita / ¿Wãrĩnu ĩjãpanʉka mara religiontrʉ wãrĩnuarata?

Ẽbẽrarã religionʼranebʉbara wãrĩnu ĩjãibara Daizezeba Jesuʉ̃mebara bia akʉpanʉta ãyi religionʼra, maʉ̃ta mawũã ẽ basibʉrʉ ijaramia kĩrãkʼa akʉkasida.

Jesubara jara ẽ basi religionʼra mejãchabʉba ewari jõmaʉ̃nẽ bʼaita ede ẽãta. Awuarabʉrʉ jarasi: «Mamina puerta pẽsũabʉ akʉza o zake dayi zokʼai babibʉra, maʉ̃ ora ẽbẽrarã wĩkaʉba ũdubʉ» (Mateo 7:14). Dai Jeowa ʉ̃rʉ Kʼawuabipanʉrãbara wãrĩnu ĩjãpanʉ oaradebʉta. Maʉ̃ta mawũã ba ẽ basibʉrʉ awuru religionʼrata jʉrʉkasida.