¿Kʼawuabʉka bʉara kʼaita naʉ̃ dibujode ẽbẽra wũẽrãzake ũdubʉra?... Daizeze Bedʼeabara jaraẽ yi trʉ̃ra, mamina jarabʉ yi zeze trʉ̃ra Jetebasita. Jeowata Jeteʉ̃mera mejãcha sobiasida iya oda kʼãrẽa ¿Kʼawua kĩrãbʉka Jete ʉ̃rʉ akʉza yi kaʉ ʉ̃rʉ?

Jetera ẽbẽra biabasi. Adewara ewari mejãcha berabaribasi yi kaʉʉ̃me Jeowa ʉ̃rʉ jaradiaita. Akʉza iyira buru biabasi maʉ̃ daʉcha kʼawuabasi sãwũã zokʼaita pʉwʉrʉra, maʉ̃ kʼãrẽa Israelitarabara jarasida ¿Dai nokʼobaika dai kʼareba yõedaita?

Maʉ̃ kʼãrẽa Jetebara widisi Jeowa kʼarebamarẽã ãyi yõbʉrʉde aduaẽbaita. Iya jarasi Jeowa daita aduabiẽbʉrʉ, naʉ̃ta oita. Mʉ deda jĩruya jũẽbʉrʉde, yi naara orrabʉrʉta Jeowa diaita. Mawũẽrã yi naa orrazedabara ¿Kʼãrẽta oibarabasi? maʉ̃ ẽbẽrarã tabernakulode baibasi akʉza ewari jõmaʉ̃nẽ trajabaibasi Daizezeita. Maʉ̃ tabernakulo edara ẽbẽrarã wãpanasi Jeowaita trajaita. ¿Jetera aduebasika ãyi yõsidera? aduẽbasi. Iyi jĩruya iyi deda zesidera ¿Kʼawuabʉka kʼaiba naara orrasita?...

Yi kaʉ abapaikirʉba, mawũẽra Jetebara dia bʉeibarabasi tabernakulode bamarẽã. Maʉ̃ba mejãcha krĩchabisi, mamina iya yi jaramabasi Jeowa diaita ¿Kĩrãbebʉka? maʉ̃ba yi kaʉbara jarasi, zeze bʉa Jeowa jaradara oibara.

Yi kaʉsida naarãra krĩchasi osi ¿Kʼãrẽa? tabernakulodera juwa jidabeẽbasibaera akʉza wũãwũã erbabeẽbasibaera. Mamina iyara okĩrãbasi yi zezeba Jeowa jaradata, akʉza Jeowata iyime sobiabamarẽã kãgabasi. Maʉ̃ta audre yibiabasi iyitara wũãwũã erbaibadabara akʉza juwajidaibadabara. Maʉ̃ba wãsi tabernakulo eda mama ewari jõmaʉ̃nẽbasi iyi beiyeda.

¿Bu mara Jeowata Jeteʉ̃mera sobiapanaẽbasika iyi kʼãrẽara?... Sobiapanasi, bʉabida Jete kaʉde kĩrãkʼa oseabʉ, bʉa ũrĩbʉbʉrʉ akʉza Jeowata kãgabʉbʉrʉ, maʉ̃ba iyira bʉ kʼãrẽa sobiabayi. Akʉza bʉ yibarirasida sobiapanañi.

Wiñayiruiduba Samuelra trajabasi tabernakulode akʉza mamabasi. Tabernakulora Jeowaba kãgabʉ obaribasi, maʉ̃ kʼãrẽa ẽbẽrarã wãpanasi mamara. ¿Kʼawuakĩrãbʉka kʼãrẽa Samuelra mama basita? maʉ̃ kʼawuaira, naara kʼawuadaya yi papa ʉ̃rʉ maʉ̃ trʉ̃ra Anabasi.

Anara wũãwũã erbaita krĩchabasi, mamina iyira tobeẽbasi, maʉ̃ba yiwidʼisi Jeowa, jarasi Jeowa kʼarebara mʉra, akʉza jarasi, mʉta tora mʉ wũãwũãra zokʼabʉeya tabernakulo eda mamabamarẽã akʉza trajamarẽã. Jeowabara ũrĩsi iya wididara, mawũã iyira tosi tobeẽbadata. Maʉ̃ wũãwũãra iyara trʉ̃gasi Samuel, yi wũãwũã poaga ũbea o poaga kimarebabʉrude, Anabara osi iya jaradara edesi tabernakulo eda Daizeze odebamarẽã.

Elira tabernakulode saserdotebasi, akʉza warra ũme erbasi maʉ̃rasida tabernakulode trajapanasi. Tabernakulodera Jeowaba kãgabʉta opanasi, maʉ̃ba mamapanʉrãra kẽrẽpapanaibarabasi. Mamina Samuelbara ũdubasi Eli warrarabara opanasita nemtiata. Mamina ¿Samuelbara nemitia osika ãyi dekĩrãkʼa? ¿Bʉmara?... Iyara oẽbasi, Samuelbara osi Jeowaba kãgabʉtrʉ, yi bariraba jaradiabada kĩrãkʼa.

Mamina ¿Kʼãrẽta oibarabasi Elibara? ¿Ũrãgʼaibarabasiẽka yi warrarãra?... Maʉ̃ta oibarabasi Elibara trajabiẽbaibarabasi tabernakulodera. Mamina iyara mawũã oẽbasi. Maʉ̃ kʼãrẽa Jeowara mejãcha kĩrusi Eliʉ̃me akʉza yi warrarabawara, maʉ̃ba Jeowabara wuara kʼarebaẽbasi ãyira.

Diamasi Samuel kʼãĩnʉmʉne, ũrĩsi iyi trʉ̃ jarabʉrʉta «Samuel», aramaʉ̃ta iyira wũẽba wãsi Elima, mamina Eliba jarasi «mʉara bʉra trʉ̃ẽbasi», mamina akʉza yi ũmeta trʉ̃ jarasi, yi ũbea babʉrʉde, Eliba jarasi «akʉza jẽda trʉ̃ra panʉrã jarada Jeowa mʉa ũrĩnʉmʉa», Samuelba panʉbʉrʉdera, Jeowaba jarasi, «jarada Eliʼa mʉa kʼarebaẽãta yi mebẽrã jõma iya nemitia zroma obʉrʉ kʼãrẽa» ¿Samuelba maʉ̃ bedʼea Eliʼa jaraira zareẽbasika? ¿Bʉa sãwũã krĩchabʉ?... Zarebasi iyitara. Samuelra perabasi maʉ̃ jõma jaraira. Mamina ũrĩsi Jeowa bedʼeata maʉ̃ba jõma jarasi Eliʼa, Daizezeba jaradara jõma aripe berabarisi, maʉ̃neba yẽta Elira yi warrarabawara beisida.

Dayirãbara Samueldeba nemejãcha kʼawuaseabʉ, ũdusimina awuruba nemitia obʉta, iyara ewari jõmaʉ̃nẽ Jeowaba kãgabʉta obasi ¿Bʉara abʼarika oika? ¿Samuelde kĩrãkʼa ũrĩka Jeowaba jarabʉra? mawũã ora Jeowara sobiabayi bʉ kʼãrẽa akʉza bʉ yibarirasida.